• Хәйрихаһлиқ
  • 24 Желтоқсан, 2012

Мәбләғ сағламлаштуруш мәркизигә әвәтилиду

Өткән сешәнбә күни Қуддус Ғоҗамияров намидики җумһурийәтлик дөләт Уйғур музыкилиқ комедия театрида «Амир» нака балилар җәмийәтлик хәйрихаһлиқ фондиниң уюштуруши билән хәйрихаһлиқ концерт болуп өтти. — Мәзкүр концертни уюштуруштики асасий мәхситимиз — паләч ағриғиға (ДЦП) дучар болған балилар үчүн Уйғур наһийәсиниң Қирғизсай йезисида селинидиған сағламлаштуруш мәркизиниң қурулушиға мәбләғ топлаш — дәйду, «Амир» фондиниң рәһбири Кенҗебай Исаев. — Тәкитлигүм келидуки, селинидиған мәркәзниң йәр участкисини һәл қилишта бизгә Уйғур наһийәсиниң һакими Көйүмчан Өмәров, наһийәниң баш мемари Баратҗан Надиров йеқиндин ярдәм бәрди. Шундақла бизни, һәммә җәһәттин қоллап-қувәтлигән Уйғур театриниң мудири Савутҗан Сонуровқа, режиссери Муһит Һезимовқа өз миннәтдарлиғимни изһар қилмақчимән. Улар театр сәһнисини һәқсиз пайдилинишқа мүмкинчилик яратти. Әнди Уйғур театриниң артистлири Марат Мәмәтбақиев, Нуралим Варисов, «Нава» вә «Рухсарә» ансамбльлири, «Дияр» топи, «Ирадә» нахша-уссул ансамбли, Қазақстан хәлиқ артисти Айжан Нурмағамбетова, иҗрачи Ержан Нурғалиев, Абай намидики опера вә балет театриниң артистлири вә башқиму сәнъәткарлиримиз һәқсиз өз һүнәрлирини көрсәтти. Пурсәттин пайдилинип, уларниң һәммисигә тәшәккүр изһар қилмақчимән һәм бүгүнки концертқа билет сетивелип, зални лиқ толтуруп олтарған һәр бир тамашибинға рәхмәт ейтимән.          Концерт давамида айрим сахавәтлик инсанлар өзлириниң маддий ярдәмлириниму тапшурди. Мәсилән, Алмута шәһәрлик мәслиһәтниң депутати Ғалым Садыбеков өз намидин бир миллион тәңгә, «Тлеб» җавапкәрлиги чәкләнгән йолдашлиғиниң мудири Алимҗан Насиров йүз әллик миң тәңгә ианә қилди. Умумән, бу күни фондқа икки миллион тәңгә әтрапида мәбләғ топланди. Әнди келәр жили мәркәзниң қурулуш ишлирини башлаш мәхсәт қилинмақта.

Йолдаш МОЛОТОВ. 

 

836 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы