• Йеңилиқлар
  • 09 Қаңтар, 2012

Һаят илгәрки қиниға чүшиватиду

Жаңаөзендики әһвал турақлишиватиду, нефтьчилар шәһиридә мәйрәм күнлири хатирҗәм өтти. Шәһәрниң илгәрки қияпити әслигә кәлтүрүлүп, магазинлар ишләватиду. —   Һәм Жаңаөзендики, һәм униң әтрапидики йезилардики әһвал турақлашти. Буни өткүзүлүватқан тойлар, тәвәллудлар, башқиму тәнтәниләр испатлимақта. Әлвәттә, уларниң һәммиси күндүзки вақитта өтүватиду, — дәп кәлтүриду Қизилсай йезиси Ақсақаллар кеңишиниң рәиси Жақсылық Көңлимқосовниң сөзлирини Премьер-Министрниң сайти. —     Маршрутларда кичик автобуслар қатнашқа башлиди, истиқбалда йоған автобусларму пәйда болиду. Буни бизгә һазир Жаңаөзен шәһирини аватлаштуруш вә әслигә кәлтүрүш билән шуғуллиниватқан һөкүмәт комиссиясиниң әзалири вәдә қилмақта. Әлвәттә, бу бизни хошал қилиду, — дәйду шәһәр турғуни Рахат Исанбергенов. Шәһәр һакимийитиниң бенасини әслигә кәлтүрүш ишлириму сүръәтлик жүргүзүлүватиду: бу ишларға 115 адәм җәлип қилинған, шәһәрни тазилаш вә аватлаштуруш ишлириға болса, 220 адәм вә 27 мәхсус техника бирлиги қатнашмақта. Түнүгүн Жаңаөзен шәһиридики мәктәпләр билән мәктәп йешиға йәтмигән балилар мәһкимилиридә мәшғулатлар башланди. Мәлумки, мошу билим бериш мәһкимилиридә 19-декабрьдин 4-январьғичә қәрәлдин илгири тәтил елан қилинған еди. Өз новитидә һоқуқ қоғдаш органлири шәһәрдики аммивий тәртипсизликләрдә әйиви бар шәхсләрни ениқлаш бойичә ишни давамлаштуруватиду. Мәсилән, қозғалған җинаий иш даирисидә тәргәв-оператив топ тәрипидин 20 адәм тутулуп, уларниң 18 сотниң рухсити билән қамаққа елинди. Тәргәв шундақла ишниң тәпсилатлирини ениқлаватиду вә адәмләрниң өлүмигә елип кәлгән һәр бир фактқа һоқуқ баһасини бериватиду. Башқилар қатарида табель қуралидин пайдиланған полиция хадимлири иш-һәрикитиниң қанунға тоғра кәлмәйдиғанлиғи тоғрилиқ хәвәрләрму қариливатиду. —   2011-жили 27-декабрьда Баш прокуратура полиция хадимлириниң қурал қоллиниши нәтиҗисидә өлүмгә елип кәлгән факт бойичә Қазақстан Җинаий кодекси 308-маддиси 4-қисминиң «б» пункти бойичә (Қурал яки мәхсус васитиләрни қоллинип, һакимийәт яки лавазимлиқ вакалитини ашуруп пайдилиниш) җинаий иш қозғиди, дәп хәвәр қилди мәтбуат конференциясидә Баш прокуратуриниң рәсмий вәкили Нурдәулет Суиндиқов. Мәзкүр чариләр мүлкини мусадирә қилип йәттә жил қәрәлгичә мәлум лавазимни егиләш яки мәлум паалийәт билән шуғуллиниш һоқуқидин айрип он жил қәрәлгичә әркинлигидин мәһрум қилиш түридики җазани көздә тутиду. —   Объективлиқни тәминләш мәхситидә мәзкүр ишни мәхсус прокурор рәһбәрлигидә тәргәв топи тәкшүрәватиду. Һазирқи вақитта мәзкүр иш бойичә зөрүр болған бир қатар сот экспертизилири бәлгүләнди, — дәп қошумчә қилди у. Түнүгүн шәһәрдә Дөләт рәһбири Нурсултан Назарбаев өткән жили декабрь ейиниң оттурисида елан қилған пәвқуладдә һаләт күчи аяқлишиши керәк еди. Амма декабрь ейиниң ахирида Жаңаөзен турғунлириниң өзлири шәһәрдә пәвқуладдә һаләтни узартишни илтимас қилди. Шуниңға мунасивәтлик 4-январьда Президент «Маңғыстав вилайитиниң Жаңаөзен шәһиридә пәвқуладдә һаләт күчини узартиш тоғрилиқ» Пәрманни имзалиди. «Қазақстан Җумһурийитиниң «Пәвқуладдә һаләт тоғрилиқ» Қануни 7-маддисиниң 3-пунктиға мувапиқ тохтам қилимән: 1. Қазақстан Җумһурийити Президентиниң 2011-жил 17-декабрьдики «Маңғыстав вилайитиниң Жаңаөзен шәһиридә пәвқуладдә һаләт елан қилиш тоғрилиқ» №197-Пәрмани билән елан қилинған Маңғыстав вилайити Жаңаөзен шәһириниң чегарилиридики пәвқуладдә һаләт күчи 2012-жил 31-январь 7 саат 00 минутқичә узартилсун. 2. Қазақстан Җумһурийитиниң һөкүмити вакаләтлик дөләт органлири билән бирликтә мошу Пәрмандин келип чиқидиған зөрүр чариләрни көрсун», — дейилиду һөҗҗәттә.  

598 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы