• Йеңилиқлар
• 09 Қаңтар, 2012

Йеңи жилда течлиқ вә хатирҗәмлик һөкүм сүрсун!

Һөрмәтлик вәтәндашлар! Қиммәтлик қазақстанлиқлар! Қазақстан хәлқи Ассамблеяси барлиқ қазақстанлиқларни Йеңи 2012-жил билән сәмимий тәбрикләйду. 2011-жил мустәқил вә гүлләнгән Қазақстанни қуруш йолидики йеңи қәдәм болди вә биз әнъәнә бойичә һәммимиз бирлишип әң ярқин вақиәләрни әскә еливатимиз. Бу — тарихий вақиә — Мустәқиллигимизниң 20 жиллиғи, у тарихтики йеңи сәһипә, хасийәтлик Қазақстан дияридики бирлигимиз вә паравәнлигимизниң асаси болди. Бу — мәмликәт Президенти Нурсултан Әбиш оғли Назарбаевниң новәттин ташқири сайламда ишәшлик ғалип чиқиши, шу чағда Қазақстан хәлқи ишәнчә мандатини новәттики қетим тәстиқлиди вә өз келәчигини умумхәлиқ етирап қилған Милләт Лидери билән бағлаштурди. Бу — Қазақстан хәлқиниң Бирлик мәйриминиң йеңи шәкли, у достлуқ вә вәтәнпәрвәрликниң җанлиқ ипадиси сүпитидә һәр бир қазақстанлиқ үчүн алаһидә қиммәттур. Бизниң умумий күч чиқиришимиз түпәйли өткән жил асасий қәдрийәтләргә — һәр бир инсан вә умумий Вәтинимиз — Қазақстан Җумһурийити тәғдириниң ортақ екәнлигигә, бир пүтүн миллий роһ әтрапиға бирлишиш һәм җипсилишишни қелиплаштурушқа йол ачти. Қазақстан хәлқи Ассамблеяси келәчәккә ишәшлик қарап, умумий планлириниң упуқлирини җиддий кәңәйтиватиду. Униң барлиқ йөнилишлири Мустәқилликни, дөләтчиликни, миллий бирликни, җавапкәрликни, милләтләр ара төзүмлүк вә җәмийәтлик разимәнликни күчәйтиш билән бағлаштурулған. Йеңи жил әң сөйүмлүк мәйрәмләрниң бири. У алаһидә тәнтәнә, үмүт вә арзу-арман мәйрими. Қәдәм тәшрип қиливатқан жил йеңи идеяләрни һәдийә қилсун вә һәммимизгә уларни әмәлгә ашурушқа ярдәм қилсун. Йеңи жилда қолға алған барлиқ ишлириңлар утуқлуқ болсун. Һаятимизға тирәк-таянч болидиған әйнә шундақ изгү ишлар хәлиқ байлиғини ашуруп, бирлигини күчәйтишкә зәмин яратсун. Йеңи жил һарписида һәр бир адәм ишида утуқ қазансун. Чүнки бизниң умумий һаятимиз нәқ шулардин қелиплишиду. Мәмликәт тәғдири, Қазақстанниң бир пүтүн хәлқиниң тәғдири қелиплишиду. Йеңи жил һарписида барлиқ қазақстанлиқ аилиләргә саламәтлик, течлиқ вә хатирҗәмлик тиләймиз! Һәр бир қазақстанлиқ аилидә течлиқ һәм молчилиқ һөкүм сүрсун. Йеңи жилда бәхит-саадәт, утуқ вә амәт яр болсун! Қазақстан хәлқи Ассамблеяси.