• Йеңилиқлар
  • 09 Қаңтар, 2012

Әхбарат васитилиридин охшаш пайдилиниду

30-декабрь күни Мәркизий сайлам комиссияси Қазақстан хәлқи Ассамблеяси сайлайдиған Парламент Мәҗлисиниң депутатлиғиға тоққуз намзатни ройхәткә алди. Әтиси улар сайлам алдидики тәшвиқатқа киришти. Намзатларниң арисида икки аял бар. ҚХА көрсәткән намзатларниң оттура йеши 59 яшни тәшкил қилиду, уларниң һәммиси алий билимлик. Алтиси илим-пән, мәдәнийәт вә билим бериш хадими, йәнә үчи — ІV қетим сайланған Парламент Мәҗлисиниң депутати. Шундақла Мәркизий сайлам комиссияси «Қазақстан Җумһурийити Парламенти Мәҗлисиниң вә мәслиһәтләр депутатлириниң сайлими бойичә сайлам бюллетеньлириниң мәтинлиригә өзгиришләрни киргүзүш җәрияни тоғрилиқ» тохтам қобул қилди. Шу күни Ташқи ишлар министрлигиниң тәвсийәси бойичә йәнә 82 хәлиқ ара байқиғучи аккредитациядин өтти. Уларниң 27 Демократик институтлар вә инсан һоқуқи бойичә бюро/ЕБҺТ Байқиғучилар миссиясиниң, 31 — МДҺ байқиғучилар миссиясиниң вәкиллири. Ислам һәмкарлиқ тәшкилатидин төрт байқиғучи ройхәткә елинди. Йәнә 20 байқиғучини айрим дөләтләр әвәткән. Барлиғи болуп мошу күнгичә Мәркизий сайлам комиссияси 326 хәлиқ ара байқиғучини аккредитациядин өткүзди. Униңдин ташқири, мәркизий сайлам комиссиясиниң мәҗлисидә илгири чиқип кәткән сайлам комиссияси әзалириниң орниға йеңи әзаларни тайинлаш тоғрилиқ қарар қобул қилинди. Мәҗлистин кейин болуп өткән мәтбуат конференциясидә Мәркизий сайлам комиссиясиниң рәиси Қуандық Турғанқулов аммивий әхбарат васитилириниң вәкиллирини сайлам кампаниясиниң кетип бериши тоғрилиқ хәвәрдар қилди. Җүмлидин у сәясий партияләрниң сайлам комиссиялириниң тәркивигә мәслиһәт аваз һоқуқиға егә өз вәкиллирини әвәтиш һоқуқидин актив пайдилиниватқанлиғини тәкитлиди. Барлиғи болуп сайлам комиссиялириниң тәркивидә 1830 әйнә шундақ вәкил ишләватиду. Шундақ қилип, барлиқ сәясий бирләшмиләргә сайлам кампаниясигә тәйярлиқ көрүш вә уни жүргүзүш давамида сайлам органлириниң ишиға нәтиҗидарлиқ қатнишиш имканийити берилди. Жаңаөзендики әһвалға кәлсәк, бу йәрдә аваз бериш күнигә тәйярлиқ көрүш адәттики тәртиптә мувапиқ жүргүзүлүватиду. Барлиқ сайлам комиссиялири ишләватиду. Йәрлик иҗраий органлар сайлиғучилар тизимлирини сайлам участкилириға тапшурди. 16-ноябрьдин тартип 29-декабрьғичә Мәркизий сайлам комиссиясигә җисманий вә юридик шәхсләрдин 85 мураҗиәт келип чүшти. Уларниң 64 сайлам кампаниясиниң түрлүк аспектлириға, йәнә 21 сайлам органлириниң, сайлам җәрияниға қатнашқучиларниң вә аммивий әхбарат васитилириниң паалийитигә мунасивәтликтур. Шу күни Мәркизий сайлам комиссиясидә Әхбарат давалирини қараш бойичә җәмийәтлик кеңәшниң мәҗлиси өткүзүлүп, униң давамида Мәркизий сайлам комиссияси Алақә вә әхбарат министрлиги билән бирликтә жүргүзгән аммивий әхбарат васитилири мониторингиниң арилиқ йәкүнлири муһакимә қилинди. Министрниң орунбасари Ләззат Танысбайниң сөзичә, сайламға қатнишиватқан сәясий партияләр аммивий әхбарат васитилиридин охшаш пайдилиниватиду, дәп хуласә чиқиришқа болиду. Мәҗлискә қатнашқан партияләрниң вә хәлиқ ара тәшкилатларниң байқиғучилири дөләт аммивий әхбарат васитилири сайламға қатнишиватқан барлиқ сәясий бирләшмиләргә охшаш имканийәт яритиватқанлиғини тәкитлиди. Мәҗлистә җәмийәтлик кеңәшниң әзалири мәтбуат, әхбарат агентлиқлири, телевидение вә радиониң тәшвиқат кампаниясини йорутуш бойичә ишида орун алған айрим камчилиқларға мунасивәтлик бир қатар тәвсийәләрни бәрди.

606 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы