• Йеңилиқлар
  • 31 Мамыр, 2013

«Көк бөрә әвладимән»

 «Мир» нәшриятида кейинки жилларда һәрхил мавзудики уйғурчә китаплар көпләп нәшир қилиниватиду. Муәллипләрниң өз һесавиға вә һамийлар ярдими билән чиқиватқан бу әсәрләр хәлқимизниң еһтияҗидин чиқиватамду? Уларниң бәдиийлиги қайси дәриҗидә? Бу соалларға җавап тепиш үчүн, бәлки кәң җамаәтчиликниң пикри һаҗәттур. Шундиму йеқинда йоруқ көргән яш шаир Вильям Молотовниң «Көк бөрә әвладимән» намлиқ шеирлар топлими бу соалға қисмән җавап беридиғанлиғи ениқ. Китапни көздин кәчүрүп чиқипла «Әссалам, гөзәл шеир» дегүм кәлди. Әсли Вильямниң иҗади бүгүндин башланғини йоқ. Униң шеирлири узундин бери гезит-журналларда елан қилинип келиватиду. 1998-жили Түркстанда өткүзүлгән Дуния түрк яшлири қурултийида униң қәлимигә мәнсүп бир түркүм шеирлар таллавелинип, улар кейинирәкТүркия вә Әзәрбәйҗан мәтбуатлиридиму йоруқ көргән. Шундақла В.Молотов буниңдин бираз вақит илгири, «Бейбітшілік әлемі» бирләшмиси тәрипидин уюштурулған яш иҗаткарлар мушаирисидә Гран-при мукапитини йеңивалди. Иҗадийәт беғида өзиниң өткүр қәлими билән алаһидә көзгә көрүнүп келиватқан шаир шеирлириниң даириси һәрхил мавзуларни, җүмлидин һаят, муһәббәт вә вәтәнпәрвәрликни өз ичигә алған. Умумән, Вильям қайсила мавзуға мураҗиәт қилмисун, ейтмақчи болған ой-пикирлирини өткүр һәм раван тилда китапханлар қәлбигә йәткүзүшкә тиришқан. Биз униң келәчигидин чоң үмүт күткән һалда, «Қәлимиң талмиғай, хәлқиң тәшналиғини қандуридиған булақ кәби соғулмай аққин», демәкчимиз.

Мәшүр САСИҚОВ.

682 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы