• Йеңилиқлар
• 31 Мамыр, 2013

Күмүч медаль — ардолатилиқларда

Буниңдин бираз вақит илгири Әмгәкчиқазақ наһийәсиниң Нура йезисида йеза егилиги ишләп чиқиришиниң маһир тәшкилатчиси, Ленин ордениниң саһиби, Алмута вилайитиниң Пәхрий граждани Сағыныш Еспергеновниң һөрмитигә беғишлинип, өсмүрләр арисида «Қазақша күрестен» вилайәтлик турнир болуп өткән еди. Мәзкүр мусабиқиға Уйғур наһийәсиниң Ардолата оттура мәктивидин төрт оқуғучи қатнишип, өзлириниң чаққан вә әпликлиги билән алаһидә көзгә чүшти. Шуни алаһидә тәкитләш керәкки, турнир йәкүни бойичә Ардолата оттура мәктивидин қатнашқан төрт оқуғучидин иккиси — 10-синип оқуғучиси Шахидин Нуриев вә 5-синип оқуғучиси Самид Зикрахунов иккинчи орунларни егиләп, күмүч медальлар билән тәғдирләнди. Мошу йәрдә ардолатилиқ яш спортчиларниң кәспий дәриҗисини көтириштә аянмай әмгәк қиливатқан мәшиқләндүргүчиси Рәһимҗан Бишәровниң исмини алаһидә тилға елишқа әрзийду. Турнир ахирида ғалип чиққанлар маддий вә мәнивий соғилар билән рәғбәтләндүрүлди.

Фарида БИШӘРОВА, тарих пәниниң муәллими.Уйғур наһийәси.