• Йеңилиқлар
  • 31 Мамыр, 2013

Оқуғучилар иҗадидин

Әссалам, «Уйғур авазиниң» кичик достлири! 2011-жилдин бери Яркәнт шәһиридики Х.Һәмраев намидики уйғур оттура мәктивидә шеирийәткә иштияқ бағлиған оқуғучилар үчүн «Варис» клуби ишләватиду. Бу клубниң мәхсити кәлгүси яш шаирларға йол ечиштин ибарәт. Мана шу келәчәк шаирларниң тунҗа әсәрлирини диққитиңларға һавалә қиливатимиз.

Альбина ӘМӘТОВА, клуб йетәкчиси, мәзкүр мәктәпниң муәллими.

Қазақстан — Вәтиним Мустәқил елим – Қазақстан! Сәндә әркин һәр милләт. Гоя бағриң гүлистан, Сәндә достлуқ, адаләт. Байриғиңда егиз учқан, Кәң қанатлиқ қираниң. Алтун-канға қойнуң толған, Гөзәл сән бәк диярим.   Анамға Ана нами қәлбимиздә ғәзәлдур, Ана меһри гүлзар кәби гөзәлдур. Пәрзәнт болса шу гүлзарниң  бир гүли, Ана гоя дайим иллиқ Қуяш нури. Ана сиз күндүз — Қуяш, кечидә — Ай Көңлиңиз түгимигән сөйгүгә бай. Алладин бәхтимни тиләйсиз һәр таң, Бәхтимгә аниҗан сизму миң яшаң!

Дильназ ҺӘМРАЕВА, оқуғучи.

Дәсләпки қар Яғди бүгүн ләпилдәп, Көптин күткән мамуқ қар. Чуқиришип, әркиләп, Хошал болди балилар. Тәйяр болди чепишқа, Чаңғу, коньки, чанилар. Топни йерип чиқишқа, Тиришиду балилар. Мана шундақ өтәр күн, Кәлгичә гөзәл баһар. Хошаллиққа бөлигән, Хасийәтлик әшу қар.

Назугум ПАТТАРОВА, оқуғучи.

Ана — Қуяш Ана дегән солмас гүли җаһанниң, Гоя көрки хуш пурақлиқ баһарниң. Шуңа йоқтур анаң болса ғәм-қайғуң, Әшу ана пүтмәс бәхти һаятниң. Ана пәқәт пәрзәнт бәхтин ойлайду, Ана билән қишму соғақ болмайду. Ана меһри бар аләмни йорутқан, Гоя көктә нур-Қуяшқа охшайду.

Шахноза АСИМОВА, оқуғучи.

1097 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы