• Йеңилиқлар
• 21 Маусым, 2013

Комиссия мәҗлиси

Йеқинда Дөләт кативи Марат Тәжинниң рәислигидә Қазақстан Җумһурийити йенидики консультатив-мәслиһәт оргининиң — Идариләр мукапатлири бойичә геральдикилиқ комиссияниң мәҗлиси болуп өтти. — Вақит синақлириға мунасип җавап берәләйдиған қазақстанлиқларни шәкилләндүрүштә мәнивий вә маддий рәғбәт муһим роль ойнайду. Мукапатлар әмгәксөйгүчлүк, әрлик дәриҗисини, шундақла саһани күчәйтишкә һәм тәрәққий әткүзүшкә, демәк, мәмликәт ихтисадиниң, илим-пәниниң, мәдәнийәт-сәнъитиниң гүллинишигә қошқан шәхсий һәссисиниң салмақлиқлиғини толуқ әкис әттүрүш керәк. Шуңлашқа идариләр мукапатлири җиддий иҗтимаий әһмийәткә егә вә бу мәсилигә биз наһайити җиддий яндишишимиз керәк, — дәп тәкитлиди Марат Тәжин мәҗлисни ечип. Мәҗлистә шундақла суверен Қазақстанниң җошқун тәрәққиятиниң миллий һоқуқниң һаятниң барлиқ саһалирида йүз бериватқан өзгиришләргә мувапиқ келишини тәләп қиливатқанлиғи тәкитләнди. Геральдика мәсилилиридиму һоқуқ қоллиниш паалийитини техиму мукәммәлләштүрүшниң зөрүр екәнлиги әйнә шуниңдин келип чиқмақта. Мукапатларниң намлирида моҗут болуватқан хилму-хиллиқни, ениқсизлиқларни, уларниң дизайнидики камчилиқларни йоқитишниң зөрүр екәнлигигә җиддий диққәт ағдурулди. Мәҗлис йәкүни бойичә тегишлик қурулумларға тәвсийәләр вә ениқ тапшурмилар берилди.