• Әхбаратлар еқими
• 25 Қаңтар, 2023

Иккитәрәплимә мунасивәтләр муһакимә қилинди

Қазақстан Президенти Қасым-Жомарт Тоқаев Саха Җумһурийитиниң (Якутия) рәһбири Айсен Николаев билән учрашти. 
Учришиш давамида Қазақстан регионлириниң Саха Җумһурийити билән сода-ихтисадий, илмий вә мәдәний-гуманитарлиқ, шундақла рәқәмләштүрүш саһалирида өзара кооперацияни тәрәққий әткүзүш истиқбали муһакимә қилинди. 
Қазақстан Президенти регионларара активөзара һәрикәтниң сода көрсәткүчлиригә иҗабий тәсир қиливатқанлиғини қәйт қилди. Униң сөзичә, регионлар оттурисида товар муамилиси җиддий өсти вә Қазақстан сода мунасивәтлирини техиму чоңқурлитишқа мәнпийәтдар. 
Қасым-Жомарт Тоқаев Қазақстанниң бизни чоңқур тарихий томурлар вә қоюқ мәдәний-гуманитарлиқ алақилар бирләштүрүватқан Саха Җумһурийити билән һәмкарлиқни чоңқурлитишқа алаһидә диққәт бөлүватқанлиғини тәкитлиди. 
Айсен Николаев регионниң Қазақстан компаниялири билән санаәт мәһсулати, минерал ресурслар вә зәргарлиқ буюмлар содисида өзара һәрикәткә тәйяр екәнлигини ейтип өтти. Униңдин ташқири Якутия рәқәмлик технологияләр, креатив индустрия вә кинематография саһалирида һәмкарлиқни йолға қоюшқа мәнпийәтдар.