• Әхбаратлар еқими
  • 25 Қаңтар, 2023

11 медаль билән 11-орунда

Америка Қошма Штатлириниң Лейк-Плэсид шәһиридә XXXI Дуниявий қишлиқ Универсиада пәллисигә йәтти. 
Қазақстан командиси баш студентлар оюнлирида һәрхил дәриҗидики 11 медаль йеңивелип, умумий командилиқ һесапта Германия вә Австрия командилириниң оттурисиға орунлашти, йәни 11-орунни егилиди. 
Бизниң команда тәркивидә үч алтун медальни Вадим Куралес (биатлон, 15 км.), Бекентай Турлыбеков (биатлон, 10 км.) вә Данил Васильев (чаңғуда трамплиндин сәкрәш К-95) йеңивалди.
Александр Мухин (биатлон, 15 км.) вә шорт-трек бойичә талланма команда (әрләр эстафетиси, 5000 м. вә арилаш эстафета) үч күмүч медальға еришти. 
Төрт бронза медальға Александр Мухин (биатлон, 10 км.), Ксения Шалыгина (чаңғуда чепишиш 15 км.), хоккей бойичә әрләр талланма командиси вә чаңғуда чепишиш (аяллар эстафетиси, 3 вә 5 км.).
Дөләт рәһбири Қасым-Жомарт Тоқаев Қазақстан студентлар талланма командисини ХХХI Дуниявий қишлиқ Универсиадида тилға аларлиқ нәтиҗә көрсәткәнлиги билән тәбриклиди.
Президент қазақстанлиқ спортчилар ғалибийитиниң «барлиқ ишқивазлар үчүн һәқиқий соға болғанлиғини» тәкитлиди.
Қасым-Жомарт Тоқаев Қазақстан студентлар талланма командисиға техиму чоң утуқ-муваппәқийәт тилиди. 
Мәлумки, қишлиқ Универсиадида Япония, Җәнубий Корея вә Канада командилири алдинқи үч орунни егилиди. 
Шуни әслитип өтүмизки, 2017-жили Алмутида өткән Дуниявий студентлар мусабиқисидә Қазақстан талланма командиси әң яхши нәтиҗә көрситип, иккинчи орунға сазавәр болған еди. 

361 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы