• Әхбаратлар еқими
• 02 Мамыр, 2024

Президент қазақстанлиқларни 1-баһар мәйрими билән тәбриклиди

Һөрмәтлик вәтәндашлар!
Силәрни Қазақстан хәлқи бирлиги күни мәйрими билән тәбрикләймән!
Бу – өмлүк билән хатирҗәмликниң, турақлиқ билән течлиқниң рәмзи һесаплинидиған мәйрәм. Қазақ йеридә яшаватқан һәрхил милләтниң мәдәнийити, дини билән әнъәниси өзара уйғунлишип, әҗайип цивилизациягә айланди. Һазир елимизниң барлиқ гражданлири бирпүтүн милләт болуп Адаләтлик Қазақстанни қуруватиду. Өмлүгимиз – бизниң күчимиз. Шуңлашқа биз бирлигимизни мустәһкәмләштә барлиқ күч-ғәйритимизни сәпәрвәрликкә кәлтүрүшимиз керәк. Бу – һәрбир гражданниң муқәддәс вәзиписи вә пәрзәнтлик борчи.
 Умуммиллий бирлигимиз қийин пәйтләрдә синақтин өтиду. Бийил биз илгири-кейин болмиған су кәлкүни билән күришиватимиз. Һәрбир гражданниң бир-биригә болған һисдашлиғи арқилиқ пүткүл милләтниң иттипақини намайиш қилдуқ. Қазақстан хәлқи тарихниң қийин пәйтидә хәлиқ болуп бирлишип, утуққа йетәләйдиғанлиғини дәлиллиди. 
 Хәлқимизниң бәрпакарлиқ билән йеңилиқ, әмгәксөйгүчлүк вә билимгә болған иштияқ, җавапкәрлик, һисдашлиқ охшаш есил хусусийәтләр арқисида өсүп, тәрәққий етидиғанлиғиға ишәнчим камил.
 Һәммиңларға зор саламәтлик, утуқлар тиләймән!
 Һәрбир өйгә бәрикәт кәлсун!