• Йеңилиқлар
  • 25 Қазан, 2013

«Нур Отан»: Қазақстан, пәқәт алға!

Өткән җүмә күни Астанада «Нур Отан» партиясиниң новәттин ташқири ХV қурултийи болуп өтти. Униңда партия Рәиси, Қазақстан Җумһурийитиниң Президенти Нурсултан НАЗАРБАЕВ нутуқ билән сөзгә чиқти. Қурултай ишиға партияниң барлиқ регионал шөбилиридин 1200 делегат вә миңдин ошуқ меһман қатнашти, уларниң арисида дөләт органлириниң, миллий холдингларниң рәһбәрлири, Парламент депутатлири, һөкүмәтлик әмәс вә яшлар тәшкилатлириниң, дипломатик корпусниң вәкиллири, мәдәнийәт вә спорт әрбаплири бар. Партияниң йеңи доктринисини қобул қилиш «Нур Отан» партиясиниң ХV қурултийиниң күн тәртивидики асасий мавзу болди. Мәлумки, доктрина мустәқиллик жиллирида шәкиллинип, вақит синиғидин өткән муһим нишан-йөнилишләрни бәкитишкә, партияниң алдики онлиған жилларға болған вәзиписини бәлгүләшкә қаритилған. Партияниң «Нур Отан. Нурлуқ келәчәк йолида» йеңи сәясий доктринисини қобул қилиш тоғрилиқ мәсилә умумйүзлүк авазға селинип, униң нәтиҗиси бойичә һөҗҗәт бир еғиздин тәстиқләнди. Партия Рәисиниң биринчи орунбасари Бауыржан Бәйбекниң әслитип өтүшичә, доктрина Дөләт рәһбириниң тапшурмиси бойичә тәйярланди. Униң лайиһиси икки айға йеқин партияниң ичидә барлиқ дәриҗиләрдә — сәясий кеңәштин тартип җай-җайлардики тәшкилатларғичә болған дәриҗидә — муһакимә қилинди. Дөләт рәһбири өз сөзидә бу қетимқи қурултайниң Қазақстанниң йеңи тарихидики һәл қилғучи пәйттә өтүватқанлиғини тәкитлиди. — Җәмийитимиз 2050-жилғичә бәлгүләнгән Стратегиядә елан қилинған йеңи улуқ мәхсәткә қарап ишәшлик қәдәм ташлиди, — дәп тәкитлиди Дөләт рәһбири. — Қазақстанниң ХХІ әсирниң оттурисидики тарихий чоққиси қисқа һәм ениқ бәлгүләнди. Бизниң дунияниң әң тәрәққий әткән 30 мәмликитиниң бири болушимиз керәклиги Стратегияниң қозуғи болуп һесаплиниду. Мәхситимизниң йүксәклиги рошән. Хәлқимиз тарихта һечқачан һазирқи ихтисадий вә иҗтимаий чоққиларға йәтмигән. Буни пәқәт қазақстанлиқларниң һазирқи әвладила барлиққа кәлтүрәлиди. Нурсултан Назарбаев шундақла партияниң ХХІ әсирдики лидерлиғиниң немини билдүридиғанлиғини қандақ тәсәввур қилидиғанлиғиға тохталди. У «Нур Отан» партиясиниң асасий вәтәнпәрвәрлик күч болуши керәклигини тәкитлиди. Партияниң муһим вәзиписи — 2050-жилғичә бәлгүләнгән Стратегиядә елан қилинған йеңи қазақстанлиқ вәтәнпәрвәрликни шәкилләндүрүшниң умуммиллий мәркизи болуш. Партия умуммиллий бирликниң мәркизий һалқиси болуп қелиши керәк вә бу йосунда униңға жуқури җавапкәрлик жүклиниду. У шундақла регионларара алақини күчәйтиши шәрт. Гражданлиқ җәмийәттики лидерлиқниң муһим екәнлиги тәкитләнди: әйнә шуниңға бағлиқ Гражданлиқ альянс билән бирләшкән ишни тәрәққий әткүзүш, адәмләрниң ениқ проблемилирини һәл қиливатқан барлиқ вәтәнпәрвәрлик һөкүмәтлик әмәс тәшкилатларниң мәнпийәтлирини сәясий жүргүзгүчи болуши лазим. Нурсултан Назарбаев 2050-жилғичә бәлгүләнгән Стратегияниң вәзипилирини һәл қилиш үстидин парламентлиқ вә җәмийәтлик назарәтни кәң пайдилинишниң зөрүрлүгини тәкитлиди. Дөләт рәһбириниң пикричә, «Нур Отан» партиясиниң ихтисадий вә иҗтимаий инновацияләрниң умуммиллий мәнбәси болуши керәклиги партиявий лидерлиқ йөнилишлириниң бири болуп һесаплиниду. Униңдин ташқири Президент ХХІ әсир яшлар қизғин қоллап-қувәтләйдиған партияниңла лидер болалайдиғанлиғини, шуниңға бағлиқ яшлар сәяситиниң иҗтимаий йеңилинишниң муһим йөнилиши болуп һесаплинидиғанлиғини қәйт қилди. Бүгүнки таңда «Нур Отан» партиясиниң қатарида 900 миңға йеқин әза бар, партия әзалири Парламент Мәҗлисидә көпчиликни тәшкил қилиду вә бу умумхәлиқ қоллап-қувәтлишиниң муһим көрсәткүчидур. Дөләт рәһбириниң тәкитлишичә, парламентлиқ қанун чиқириш саһасида чоң тәҗрибә топланди: пәқәт бәшинчи қетим сайланған Парламентниң иши вақтидила 140тин ошуқ қанун қобул қилинди, «Нур Отан» партиясиниң фракцияси саламәтликни сақлаш, аграрлиқ сектор, иҗтимаий әһмийәткә егә дөләт хизмәтлири мәсилилири бойичә 12 қанун лайиһисини ишләп чиқти. Партия хәлиқ мәнпийәтлирини һимайә қиливатқан көплигән парламентарийлар билән мәслиһәтләрниң депутатлирини тәрбийилиди. Партия Һөкүмәтни шәкилләндүрүватиду, һакимийәтниң барлиқ тармақлириниң зич ишлишини тәминләватиду. Ахирида Нурсултан Назарбаев партияниң «Қазақстан, пәқәт алға!» шиариниң 2050-жилғичә бәлгүләнгән Стратегияни әмәлгә ашуруш йолида техиму ениқ мәзмун-маһийәткә егә болуватқанлиғини тәкитлиди. — Йеңи инновациялик-индустриал ихтисатқа, бирпүтүн вә җипсилашқан милләт сүпитидә қазақстанлиқлар турмушиниң йеңи сүпитигә, ХХІ әсирниң җошқун вә җавапкәр дөлити сүпитидә Қазақстанниң хәлиқара абройиниң йеңи чоққилириға қарап алға маңайли. Мана мошу ХХІ әсирниң оттурисиғичә болған иш-һәрикәтлиримизниң бирләшкән үч өлчими. Партия вә дөләтниң алдидики ишиниң тарихий мәзмуни әйнә шуниңдин ибарәт. Бу бизниң умумий Қазақстан Арминимизниң чоңқур мәзмун-маһийити, — дәп хуласилиди сөзини Дөләт рәһбири. «Нур Отан» партияси Рәисиниң биринчи орунбасари Бауыржан Бәйбек партия әзалири намидин партияниң мәмликәтниң Дөләт рәһбири қойған муһим вәзипилирини әмәлгә ашуруш әтрапиға җипсилаштуридиғанлиғиға ишәнчә билдүрди. Қурултайниң умумий мәҗлисидә, шундақла Парламент Сенатиниң депутати, Қазақстанниң хизмәт көрсәткән әрбаби, Қазақстан Җумһурийити Язғучилар иттипақи башқармисиниң рәиси Нурлан Оразалин, «Алтын жүрек» хәйрихаһлиқ конкурси тәшкилий комитетиниң рәиси Жулдыз Омарбекова, Парламент Мәҗлисиниң депутати Мәулен Әшимбаев, «Ерке-Нур» ширкитиниң президенти Фарида Мерхамитқызы, Қостанай вилайити Яшлар вә балилар тәшкилатлири ассоциациясиниң рәиси Татьяна Новикова, «Оқжетпес» давалаш-сағламлаштуруш комплексиниң рәһбири, башланғуч партия тәшкилатиниң рәиси Қанат Төсекбаев, Қизилорда вилайити Жаңақорған наһийәси Сунақ-Ата йеза округиниң һакими Азия Қистаубаева сөзгә чиқти. Қурултайда шундақла партия Низамнамисигә өзгиришләр билән қошумчиларни киргүзүш мәсилиси қаралди. Җүмлидин қурултай давамида партияниң нами вә эмблемисини өзгәртиш бойичә қарар қобул қилинди. Бауыржан Бәйбекниң чүшәндүрүшичә, хәлиқара әмәлиятта сәясий партияләр, адәттә, өз намиға идеологиялик тәәллуқлуғини елип чиқмайду, униң үстигә хәлиқ йетәкчи сәясий күчни «Нур Отан» партияси дәп атиған вә атаватиду — илгәрки намдин «хәлиқ-демократик» дегән сөзни еливетип, нәқ мана мошу намни рәсмий нам сүпитидә қобул қилиш қарар қилинди. Партияниң йеңи эмблемисиға кәлсәк, униң асасини ХV қурултайниң логотипи тәшкил қилди. Униңда көтирилип чиқиватқан қуяш, барс, тағ чоққиси вә «Нур Отан» дегән йезиқ әкис әткән. — Көтирилип чиқиватқан қуяш мәмликитимизниң кәлгүсидики утуқлири билән ярқин ғалибийәтлириниң; тағ чоққиси — жуқури мәхсәтләр билән хәлиқниң келәчәккә интилишиниң; барс болса, мустәқиллик, күч вә алийҗанаплиқниң рәмзи, — дәп чүшәндүрди йеңи эмблеминиң маһийитини партия Рәисиниң биринчи орунбасари. — Партия наминиң йезилиши Дөләт рәһбириниң дөлитимизниң шәкиллинишигә вә тәрәққий етишигә қошқан тарихий һәссисиниң рәмзини әкис әттүриду, «Нур Отан» партияси болса, үстүн сәясий күч сүпитидә мәмликәтниң алдимиздики онлиған жиллардики тәрәққиятиниң җипсилаштурғучиси болуши керәк. Шундақла күн тәртивигә партияниң Сәясий кеңишиниң тәркивидики өзгиришләр тоғрилиқ мәсилә, шундақла назарәт-тәптиш органлириниң паалийитигә мунасивәтлик бирқатар мәсилиләр киргүзүлди. ХV қурултай аяқлашқандин кейин «Нур Отан» партиясиниң Лидери Нурсултан Назарбаевниң рәислигидә Һөкүмәт әзалириниң вә партияниң регионал шөбилири рәһбәрлириниң қатнишиши билән партия Сәясий кеңиши бюросиниң кәңәйтилгән мәҗлиси өткүзүлүп, униңда партияни йеңилашқа, униң аппарати ишиниң нәтиҗидарлиғини түп-асасидин ашурушқа бағлиқ болған ениқ тапшурмилар берилди. Бауыржан Бәйбекниң атап көрситишичә, партияниң алий вакаләтлик оргининиң 49 пайизи йеңиланди. Ханим-қизларниң сани 11 пайиздин 30 пайизға йәтти.

146 рет

көрсетілді

0

пікір
Алдыңғы мақала Һәрқачан хәлиқ билән биллә
Келесі мақала «Уйғур авазиға» биз йезилмай, ким йезилсун!

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *