• Йеңилиқлар
  • 20 Желтоқсан, 2013

Кәң даиридә атап өтүлди

Қазақстан Җумһурийити Мустәқиллигиниң 22 жиллиғи Панфилов наһийәсидә кәң даиридә атап өтүлди. Мәйрәм һарписида Яркәнт шәһәрлик вә йеза округлирида бу шанлиқ сәнәгә мунасивәтлик чарә-тәдбирләр уюштурулуп, уларға кәң җамаәтчилик вәкиллири иштрак қилди. Мәктәпләр билән колледжларда Қазақстанниң өз мустәқиллигини алғандин кейинки жилларда еришкән муваппәқийәтлири билән Дөләт рәһбири — Милләт Лидери Н.Назарбаевниң әмәлгә ашуруватқан дана сәяситини әкис әттүридиған очуқ дәрисләр һәм синип саатлири өткүзүлүп, сәһнилик қоюлумлар, байқашлар билән көргәзмиләр уюштурулди. Наһийәлик Мәдәнийәт өйидә болса, тәнтәнилик жиғин өткүзүлүп, униңға җамаәтчилик вәкиллири қатнашти. Наһийә һакими Бөлтирик Жақыпов доклад билән сөзгә чиқип, Мустәқиллик жиллири қолға кәлтүрүлгән муваппәқийәтләргә тәпсилий тохталди. «Қазақтелеком» акционерлиқ җәмийити наһийәлик тармиғиниң башлиғи Һакимҗан Йүсүпов, Қорғас оттура мәктиви мудириниң тәрбийә ишлири бойичә орунбасари Наталья Герасимова тәбрик сөз сөзлиди. Жиғинда наһийәниң иҗтимаий-ихтисадий тәрәққиятиға қошқан һәссиси үчүн он адәмгә «Панфилов наһийәсиниң Пәхрий граждини» нами берилип, бир топ әмгәк илғарлири билән җәмийәтлик ишларниң активистлири пәхрий ярлиқлар һәм тәшәккүрнамиларни елишқа сазавәр болди. 16-декабрь күни шәһәрдики мәркизий мәйданда тәнтәнилик митинг болуп өтти. Униңға қатнашқан наһийә җамаәтчилигиниң вәкиллири алди билән Желтоқсан вақиәсигә қатнишип, қурван болған Ләззәт Асанова билән Ербол Сыпатаевқа орнитилған ядикарлиққа гүлчәмбәрләрни қоюп, бир дәқиқә сүкүнат ичидә әскә алди. Митингни Бөлтирик Жақыпов киришмә сөз билән ечип, жиғилғанларни мәйрәм мунасивити билән тәбриклиди. Шундақла наһийәлик ағриқханиниң бөлүм башлиғи, врач  Қасимҗан Илиев, наһийәлик Славян мәдәнийәт мәркизиниң вәкили Ольга Савченко тәбрик сөз сөзлиди. Ахирида Яркәнт гуманитарлиқ-техникилиқ колледжиниң коллективи Желтоқсан вақиәсини ипадиләйдиған театрлаштурулған көрүнүшләрни намайиш қилип, концерт көрсәтти.

Нурәхмәт ӘХМӘТОВ.  

194 рет

көрсетілді

0

пікір
Алдыңғы мақала Мустәқиллик иптихари
Келесі мақала Өз мәртивисини тәстиқлимәктә

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы