• Йеңилиқлар
• 03 Сәуір, 2014

Қазақстан хәлқи Ассамблеясиниң ХХІ сессияси һарписида

Мария ПАПП, «Венгер мәдәнийәт мәркизи» җәмийәтлик бирләшмиси рәисиниң орунбасари:/ — Турақлиқ, течлиқ, инақлиқ, динларара, милләтләрара разимәнлик — бу пүткүл қазақстанлиқларниң бебаһа байлиғи. Дөлитимиздә яшаватқан 130дин ошуқ милләткә вакаләтлик қиливатқан Қазақстан хәлқи Ассамблеясиниң орнини алаһидә тәкитлигүм келиду. Һазир Қазақстанда яшаватқан венгерларниң сани анчә көп әмәс. Бизниң,  барлиқ қазақстанлиқлар охшаш, ана тилимизни, миллий мәдәнийитимизни тәрәққий әткүзүшкә толуқ мүмкинчиликлиримиз бар дәп ишәшлик ейталаймән. Һазир «Мәңгүлүк Әл» вәтәнпәрвәрлик ғайиси  тәйярлиниватиду. Униң барлиқ қазақстанлиқларни бир мәхсәт, бир нийәт вә бир пикир әтрапиға җипсилаштуридиғиниға көзүм йетиду. Сессиядә мошу мәсилә техиму чоңқур муһакимә қилинип, ениқ йөнилишләр бәлгүлиниши керәк. Чүнки бу мустәқил елимиздики турақлиқ вә хатирҗәмликниң капалити.