• Йеңилиқлар
  • 10 Сәуір, 2014

Наһийәлик мәслиһәтниң новәттики сессияси өтти

Йеқинда елимиз Президенти Н.Назарбаевниң 2006-жил 18-январьдики «Һакимларниң мәслиһәтләр алдида һесават беришини өткүзүш тоғрилиқ» тохтамиға мувапиқ, Уйғур наһийәлик мәслиһәтниң новәттики сессиясидә Кәтмән вә Қирғизсай йеза округлири һакимлириниң, шундақла наһийәлик мәслиһәтниң «Қанун вә һоқуқ тәртиви, гражданларниң һоқуқи, хаһиши вә әркинлиги тоғрилиқ мәсилиләр» бойичә турақлиқ комиссия рәисиниң вә наһийәлик мәслиһәт кативиниң һесаватлири тиңшалди.Сессия рәиси Камилҗан Йолдашевниң киришмә сөзидин кейин наһийәлик мәслиһәтниң депутати Кәрибай Қожағулов жуқурида аталған йеза округлириға қарашлиқ мәһәллиләрдә атқурулған ишларға тохтилип, сессия иштракчилириниң диққитини иҗтимаий вә саламәтликни сақлаш кәби  саһалар бойичә һели һәл болушини күтүватқан мәсилиләргә ағдурди. Наһийә рәһбәрлиги, хәлиқ вәкиллири, дөләтлик мәһкимиләр башлиқлири, мәктәпләр мудирлири вә җәмийәтлик тәшкилатлар вәкиллири алдида һесават бәргән Кәтмән йеза округиниң һакими Берик Шаймухаев билән Қирғизсай йеза округиниң һакими Бақытжан Иргебеков өзлири башқуруватқан жутларда иҗтимаий-ихтисадий  тәрәққият йөнилишлири бойичә атқурулған ишларға изаһ бәрди. Қанун вә һоқуқ тәртиви, гражданларниң һоқуқи, хаһиши вә әркинлиги тоғрилиқ мәсилиләр бойичә турақлиқ комиссияниң рәиси Қ.Әлимхожаевниң һесавитидин кейин наһийәлик мәслиһәтниң кативи Нурәким Есжанов наһийәлик мәслиһәтниң өткән жилқи паалийитини һәртәрәплимә тәһлил қилип, хәлиқ вәкиллириниң жил бойи атқурған ишлириға тохтилип өтти. Андин у наһийәниң иҗтимаий-ихтисадий тәрәққиятиға үлүш қошқан бир түркүм жутдашларға «Уйғур наһийәсиниң Пәхрий граждини» намини бериш тоғрилиқ тәклипниң чүшкәнлигини хәвәрлиди. Ахирида наһийә һакими Көйүмчан Өмәров сессия ишини йәкүнләп, әтиязлиқ терилғу ишлириниң сүръити, йезиларниң тазилиғи, аватлаштурулуши һәм аһалиниң турмуш паравәнлигини ашуруш мәсилилиридә мәслиһәтләшкән һалда иш елип бериш лазимлиғини тәкитлиди. Махмут ИСРАПИЛОВ. Уйғур наһийәси.

132 рет

көрсетілді

0

пікір
Алдыңғы мақала Елимизниң утуғи — бизниң утуғимиз
Келесі мақала Қазақстан өз валютиси билән қалиду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы