- Йеңилиқлар
- 28 Тамыз, 2014
Һәр каллида бир хиял
Йешим йетип, дәм елишқа чиққандин кейин һәр дүшәнбә күни әтигәнлиги саат йәттидә кочиға чиқип, ишқа алдираш кетип барғанларға күлүмсиригән һалда қарашни адәткә айландуримән.
***
Адәмниң һаяти икки қисимдин ибарәт: башта әқил йетишмәйду, андин саламәтлик.
***
Аяллар һарақ ичмәйду, қимар ойнимайду, башқа аялларға қиммәт баһалиқ соғиларниму һәдийә қилмайду. Шуңлашқа мән уларниң йолдиши әкилип бәргән ахчини немигә сәрип қилидиғанлиғини задила чүшинәлмәймән.
***
Өчмәнликни йошуруш оңай, муһәббәтни йошуруш қийин, амма һәммидин қийини — бепәрвалиқни йошуруш.
***
Әгәр ахчиңиз болмиса, аяллар сиз үчүн хәтәрлик әмәс.
***
Билмигән адәм ахмақ әмәс, билишни халимиған адәм ахмақ.
***
Җавапкәрликни чоңқур һис қилған адәмдә мәнсәппәрәслик хисләт болмайду.
***
Ғалибийәтниң атилири нурғун, мәғлубийәт болса, һәрқачан житим оғлақ.
355 рет
көрсетілді0
пікір