• Әхбаратлар еқими
• 13 Қараша, 2014

Видеоконференция өтти

Уттур алақә/ Өткән һәптидә «Алматы-ЭнергоСбыть» җавапкәрлиги чәкләнгән йолдашлиғида электр энергиясиниң херидарлири үчүн Очуқ ишик күни өткүзүлди. Бу күни ширкәт рәһбәрлиги билән энергетика саһасиниң мутәхәссислириниң қатнишиши билән видео-конференция уюштурулди.Мәзкүр заманивий алақә бағлаш васитиси арқилиқ өткүзүлгән  жиғин, Алмута шәһири вә вилайити турғунлириниң ширкәт рәһбәрлиги вә хадимлири билән уттур алақиға чиқип өзлириниң соаллириға җавап елиш  пурситини яратти. Конференциядә сөзгә чиққан «АлматыЭнергоСбыть» җавапкәрлиги чәкләнгән йолдашлиғиниң мудири Михаил Гамбургер: «Херидарларниң әризә-өтүнүшлирини инавәткә елип буниңдин кейин наһийәлик бөлүмчиләрниң иш күнини 19:00ғичә узарттуқ. Һазирчә мошу жилниң ахириғичә Или наһийәсиниң новәтчи операторлири мошундақ ишләйду. Әгәр бу лайиһә үнүмлүк аяқлашса, башқа наһийәләрдиму бу иш кәштиси йолға қойилиду. Буниң һәммиси турғунларға қолайлиқ шараит яритиш һәм херидарлиримизниң электр энергия һәққини вақтида төлиши үчүн әмәлгә ашурулуватиду», дәп атап көрсәтти. Очуқ ишик күни давамида херидарлар энергия билән тәминлигүчи ширкәт хадимлиридин соалларға җавап елипла қалмай, электр энергиясигә мунасивәтлик һәм йеңидин киргүзүлүватқан йеңилиқлар тоғрисида көплигән мәслиһәтләрни алди. Ейтиш керәкки, мошундақ херидарлар билән болған баш қошушлар ширкәтниң рәсмий сайтида (www.esalmaty) елан қилинип туридиған болиду.

Мәшүр САСИҚОВ.