• Йеңилиқлар
  • 25 Желтоқсан, 2014

Президентниң Москваға иш бабидики сәпири

Дөләт рәһбири Россия Федерациясидә иш бабидики сәпәрдә болди. Қазақстан вә Россия Президентлири иккитәрәплимә һәмкарлиқниң муһим саһалирини, шундақла Евразия интеграциялик җәриянлириниң тәрәққиятини муһакимә қилди.Униңдин ташқири Нурсултан Назарбаев билән Владимир Путин регионал һәм хәлиқара күн тәртивиниң әң муһим мәсилилири бойичә пикир елишти. Қазақстан Президенти дәсләпки учришиштин кейин 15 жил өткәнлигини тәкитлиди. 1999-жили Сиз Һөкүмәт рәиси сүпитидә биздә Алмутида болған едиңиз. Мошу жилларда сиз Россиядә һакимийәт вертикалини әслигә кәлтүрдиңиз, шу түпәйли у тамамән башқа мәмликәт болди. Сизниң Мәктүбиңиздә ейтилғанларни вә бәлгүләнгән программиларни әмәлгә ашурушта чоң муваппәқийәт тиләймән. Бийил Астанада биз Евразия Ихтисадий иттипақи тоғрилиқ шәртнамини имзалидуқ. У келәр жилдин башлап ишләшкә башлайду. Барлиқ қийинчилиқларға қаримай, биз мошу тәшкилатни қоллап-қувәтлишимиз вә униңға һаятийлиқ берип, һәммә үчүн қизиқарлиқ қилишимиз керәк, — деди Қазақстан рәһбири. Өз новитидә Россия Федерациясиниң президенти иккитәрәплимә мунасивәтләрниң муһим истиқбалиға вә интеграцияни техиму чоңқурлитиш планлириға диққәт ағдурди. Учришиш даирисидә Президентлар 2013-жил 11-ноябрьдики Қазақстан Җумһурийити вә Россия Федерацияси оттурисидики ХХІ әсирдики яхши хошнидарчилиқ һәм иттипақдашлиқ тоғрилиқ шәртнамини тәстиқләш һәққидә грамотиларни алмаштуруш тоғрилиқ протоколни имзалиди.

207 рет

көрсетілді

0

пікір
Алдыңғы мақала КБШТ Коллективлиқ бехәтәрлик кеңишиниң новәттики сессияси
Келесі мақала Нурсултан Назарбаев Украинида болди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

20 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы