• Йеңилиқлар
  • 25 Желтоқсан, 2014

Нурсултан Назарбаев Украинида болди

Дүшәнбә күни Дөләт рәһбири Нурсултан Назарбаев Украинида иш бабидики сәпәрдә болуп, мошу мәмликәтниң Президенти Петр Порошенко билән учрашти.Президентлар сода-ихтисадий һәмкарлиқниң асасий мәсилилири тоғрилиқ сөһбәтләшти. Униңдин ташқири һәм хәлиқара күн тәртивини, һәм Украинидики вәзийәтниму диққәтсиз қалдурмиди. Шундақла уни барлиқ мәнпийәтдар тәрәпләрниң қатнишиши билән биртәрәп қилиш йоллирини муһакимә қилди. Нурсултан Назарбаев Петр Порошенкониң мәмликәттә Рада сайлиминиң өткүзүлүши вә һөкүмәтниң қурулғанлиғи билән тәбриклиди. Бу Сизниң Президент сүпитидики дәсләпки чоң ғалибийитиңиз. Минск протоколлириниң ишлинип чиқишиму Сизниң хизмитиңиз болуп һесаплиниду, —  дәп тәкитлиди Қазақстан Президенти. Нурсултан Назарбаев мәмликәтләр оттурисидики ихтисадий алақиларни әслигә кәлтүрүшниң вә униң дәриҗисини техиму ашурушниң зөрүр екәнлигигә алаһидә диққәт ағдурди. Униң сөзичә, товар айлиниминиң көләми үч һәссә төвәнлиди вә бу зиянниң орнини толтуруш керәк. Қазақстанда Украининиң йеза егилиги вә коммунал техникиси кәң пайдилинилиду, озуқ-түлүк кәлтүрүлүватиду. Бизму өз мәһсулатлиримизни Украиниға йәткүзгән. Төрт миллиард долларни тәшкил қилидиған товар айлиними үч һәссә төвәнләп кәтти, бирақ биздә илгәрки көрсәткүчләргә қайтип келиш имканийити бар. Бу җәһәттин һөкүмәтләрара комиссия пухта ишлиши вә мәсилини һәл қилиш нуқтисини тепиши керәк. Мән мундақ имканийәтләрниң бар екәнлигини билимән, — деди Нурсултан Назарбаев. Дөләт рәһбири Украина әтрапидики вәзийәтни течлиқ йоли билән биртәрәп қилишқа қаритилған барлиқ чариләрни қоллап-қувәтләйдиғанлиғини қәйт қилди. Һазирқи әһвал һечкимгә пайда елип кәлмәйду. Бизниң барлиқ мәмликәтләр билән достанә мунасивәтләрдә екәнлигимизни һесапқа алған һалда, биз силәр билән мошу мәсилидиму бирлишип ишләләймиз. Мәлум қарарларға келәләйдиғанлиғимизға вә адәмләрниң һалак болушиниң тохтитилишиға хизмәт қилидиған чариләрни көрүш үчүн иш-һәрикәтлиримизни уйғунлаштуралайдиғанлиғимизға үмүт қилимән, — деди Қазақстан Президенти. Петр Порошенко Қазақстан Президентиға Украининиң суверенитетини, территориялик пүтүнлүгини вә мустәқиллигини қоллап-қувәтләш бойичә қәтъий һәм изчил мәвқәси үчүн миннәтдарлиқ билдүрди. Униңдин ташқири у сода-ихтисадий, мәдәний-гуманитарлиқ вә башқа асаслиқ саһалардики өзара һәрикәт ихтидарини пайдилиниш керәклигигә келишти. Биздә Минскта қисқа сөһбәтлишиш имканийити болди вә қилинған билдүрүшләргә, келишимләргә ениқ әмәл қилиниватиду, Украина буни яхши баһалайду, — деди Украина Президенти.

170 рет

көрсетілді

0

пікір
Алдыңғы мақала Президентниң Москваға иш бабидики сәпири
Келесі мақала Һәзил-сүрәт.

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы