• Йеңилиқлар
  • 19 Наурыз, 2015

Мәдәнийәт — чоң җәмийәтлик күч

Астанада Қазақстан Җумһурийитиниң Миллий академиялик китапханисида Қазақстан хәлқи Ассамблеяси жилиға беғишланған «Қазақстан хәлқи әдәбияти вә миллий бирхиллиқ» мавзусида конференция болуп өтти. Конференция ишиға Премьер-Министрниң орунбасари Бердибек Сапарбаев, ҚХА Рәисиниң орунбасари, Ассамблея Кативатиниң мудири Ералы Тоғжанов, ҚХА Рәисиниң орунбасари Анатолий Башмаков, депутатлар, алимлар, зиялилар вәкиллири қатнашти. Қазақстан көплигән дөләтләр үчүн үлгә болди. Бизниң мәмликитимиздә тоқунушлар, урушлар йоқ вә нәқ бирлик билән турақлиқ утуқ-муваппәқийәт, ихтисадий тәрәққият амили болди, — деди конференциядә тәбрик сөзгә чиққан Бердибек Сапарбаев. Премьер-министрниң орунбасари, шундақла ҚХАниң 20 жиллиқ тарихиниң мәзкүр институтниң Қазақстанниң иҗтимаий һаятидики роли вә әһмийитини көрситиватқанлиғини атап көрсәтти. Бу пәқәт течлиқ вә турақлиқни сақлап қелишла әмәс, бәлки Қазақстанда яшаватқан барлиқ милләтләрниң мәдәнийитини, тилини тәрәққий әткүзүш үчүн шараит яритиш имканийитини бәрди. Түрлүк әлләрниң экспертлири, сәясәтшунаслири Ассамблеяни қуруш тарихини үгинип, мошу бирдин-бир қурулумниң феноменини чүшинишкә тиришиватиду. Дунияда алтә тилда театрлар утуқлуқ ишләватқан, он бәш тилда нәширләр чиқиватқан, йүздин ошуқ милләттин тәркип тапқан 17 миллион хәлиқ инақ яшаватқан дөләтләр анчила көп әмәс. Конференциядә ҚХА Рәисиниң орунбасари Анатолий Башмаков, М.Әвезов намидики Әдәбият вә сәнъәт институтиниң мудири Уәлихан Қалижанов сөзгә чиқти. Конференция давамида М.Әвезов намидики Әдәбият вә сәнъәт институти ҚХА юбилейи даирисидә тәйярлиған китаплар тонуштурулди. Җүмлидин институт Қазақстанда яшаватқан милләтләрниң фольклорини, әдәбият вә сәнъитини чоңқур тәтқиқат қилиш ишлирини жүргүзди. Мәсилән, «Умуминсаний қәдрийәтләр заманивий әдәбияти», «Қазақстан хәлқиниң әдәбиятта», «Қазақстан хәлқиниң музыка сәнъити», «Мәдәний полилог: Қазақстан хәлқиниң тәсвирий сәнъити», «Һазирқи заман Қазақстан фольклори», «Қазақстан хәлқиниң сәһнә сәнъити» вә башқиму бирқатар тунҗа қетим нәшир қилиниватқан коллективлиқ монографияләрни мәзкүр институтниң мошу йөнилиштә жүргүзгән паалийитиниң нәти-җиси, дәп һесаплашқа болиду.    

140 рет

көрсетілді

0

пікір
Алдыңғы мақала Муһим мәсилиләр муһакимиси
Келесі мақала Буйраш хан

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *