• Әхбаратлар еқими
• 16 Сәуір, 2015

Байқиғучилар ройхәткә елиниватиду

Қазақстан Җумһурийитиниң Мәркизий сайлам комиссиясидә Қазақстан Җумһурийитиниң Президенти сайлимини байқаш үчүн кәлгән чәт әл вәкиллирини ройхәткә елиш давамлишиватиду.14-апрельға қәдәр Мәркизий сайлам комиссияси ЕБҺТниң Демократик институтлар вә инсан һоқуқи бюроси, Мустәқил Дөләтләр Һәмдостлуғи вә Шанхай һәмкарлиқ тәшкилати охшаш хәлиқара тәшкилатларниң үч миссиясиниң, икки хәлиқара тәшкилатниң (Түркий тиллиқ дөләтләр һәмкарлиқ кеңишиниң вә Түркий тиллиқ дөләтләр парламент ассамблеясиниң) һәм 33 чәт әл дөлитиниң 496 байқиғучисини ройхәткә алди. Униңдин ташқири Қазақстан Җумһурийитиниң Ташқи ишлар министрлиги 31 дөләтниң аммивий әхбарат васитилириниң 134 вәкилини ройхәткә алди. Барлиғи болуп мошу пәйткә қәдәр чәт әлләрдин, хәлиқара тәшкилатлардин вә чәт әл аммивий әхбарат васитилиридин болуп 630 байқиғучи ройхәткә елинди. — Биз униңдин ташқири чәт әлләрдин көплигән қисқа муддәтлик байқиғучиларни ройхәткә елишимиз шәрт, улар алдимиздики һәптидә келиши керәк, — дәп тәкитлиди Қазақстан Җумһурийити Мәркизий сайлам комиссиясиниң әзаси Татьяна Охлопкова.