• Ақ йол тиләймиз
• 10 Шілде, 2015

Яш математик

Бийил Бәхтишат Тудияров вә Гүлайшәм Исмайиловаларниң аилә қурғиниға чарәк әсир болиду. Уларниң тунҗиси Нигара дәсләп Алмута шәһиридики Қазақстан — Британ техникилиқ университетини, андин Англиядә магистратурини тамамлиди. Бийил Алмутидики чәт әл ширкәтлириниң биридә өз мутәхәссислиги бойичә әмгәк паалийитини башлиди. Оғли Расулму кичигидинла әдәбиятқа иштияқ бағлап өсти, сәнъәтниму яхши көриду. Расулниң математикиға болған қизиқиши алаһидә. У оқуғучилар арисидин таллинип, оқушини истедатлиқ балиларниң җумһурийәтлик физика-математика мәктивидә давамлаштурди. Оқуватқан жиллири Уфа шәһиридә өткән оқуғучи-метематикларниң хәлиқара олимпиадисиға қатнишип, алдинқи орунларни егилиди. Расул бийил Биртуташ миллий тест синиғида 119 балл топлап, «Алтун бәлгү» саһиби аталди. — Адәмниң яшанған чеғидиму арзу-арманлири түгимәйдекән, — дәйду өзара сөһбәттә бовиси, пешқәдәм журналист  Абдукерим Тудияров, — һазир бизниң күндиликтики гәп-сөзүмиз, арминимиз, үмүтимиз нәврилиримизгә қаритилған. Мана йеқиндила йәнә бир нәвримиз Адил Хәлиқара Бизнес академиясиниң «Үлгилик студенти» бәлгүси билән тәғдирләнди. Улар оқуп йетилип, инсаплиқ, вижданлиқ инсанлардин болсекән, хошаллиқлирини көрсәккән, дәп арман қилимиз. Улуқ Алладин татлиқ нәврилиримгә мустәһкәм саламәтлик тиләймән. Мәшүр САСИҚОВ.