- Йеңилиқлар
- 10 Шілде, 2015
Дөләт рәһбиригә — І дәриҗилик «Манас» ордени
Дүшәнбә күни Нурсултан Назарбаев Қирғизстан Президенти Алмазбек Атамбаев билән учрашти.
Президентлар асаслиқ саһалардики иккитәрәплимә һәмкарлиқни техиму тәрәққий әткүзүш мәсилилирини, шундақла регионлуқ һәм хәлиқара қурулумлар даирисидики өзара һәрикәт йоллирини муһакимә қилди. Шундақла хәлиқара күн тәртивиниң әң муһим мәсилилири бойичә пикир елишти.Нурсултан Назарбаев икки мәмликәт хәлиқлириниң тарихий, тил вә мәдәнийәт җәһәттин йеқин екәнлигигә диққәт ағдурди.
Қирғизстанда турақлиқ вә хатирҗәмликниң сақлиниши, мәмликәтниң тәрәққий етишини давамлаштуруп, күчлүк дөләт болуши — барлиқ қазақстанлиқларниң нийәт-мәхсити әйнә шундақ, — деди Қазақстан Президенти.
Алмазбек Атамбаев икки мәмликәт оттурисидики достлуқ вә яхши хошнидарчилиқ мунасивәтләрни күчәйтишкә қошқан чоң һәссиси үчүн Қирғизстан хәлқиниң намидин Нурсултан Назарбаевқа І дәриҗилик «Манас» орденини тапшурди.
Қазақстан Президенти өз новитидә жуқури мукапат үчүн миннәтдарлиқ билдүрүп, өзара һәрикәтни техиму тәрәққий әткүзүшниң муһим екәнлигини тәкитлиди.
Мошу мукапатқа мунасип болушқа, мәмликәтлиримиз оттурисидики достлуқ вә қериндашлиқни күчәйтишкә, мунасивәтлиримиз дәриҗисини техиму ашурушқа тиришимән, — деди Нурсултан Назарбаев.
289 рет
көрсетілді0
пікір