• Йеңи ихтисадий сәясәт
• 27 Тамыз, 2015

Һәммигә керәк қарар

Мән Президентниң дөләт ихтисадидики йеңи қурулумлуқ ислаһатларға мунасивәтлик сөзлигән нутқини диққәт билән тиңшидим. Һазир ихтисатта инфляциялик таргетләш (инфляциялик таргетләш — дөләтлик инфляцияни назарәт қилиш мәхситидә дөләт органлири тәрипидин қоллинидиған чариләр комплекси) чүшәнчиси киргүзүлиду. Нурсултан Назарбаевниң нутқи, адәттикидәк, ениқ вә тәпсилий болди. Дөләт рәһбири ихтисадимиз үчүн бу қәдәм қанчилик муһим екәнлигини вә қандақ утуқларға елип келидиғанлиғини рәқәмләр билән дәлилләп бәрди. Шундақла «100 ениқ қәдәм» Миллий планини әмәлгә ашурушму ихтисат саһасида чоң өзгиришләрни өз ичигә алидиғанлиғини тәкитлиди. Бу өзгиришләр Қазақстанни Дуниявий сода тәшкилатиға кириш һарписида наһайити муһим. Алаһидә тәкитләш лазимки, Президент өз нутқида иҗтимаий саһаниң биринчи новәттә туридиғанлиғини йәнә бир қетим қәйт қилди. Дөләт рәһбири қойған вәзипиләрниң асасида һәрбир қазақстанлиқниң һаят дәриҗисини көтириш ятқанлиғи ениқ. Һәқиқәтәнму һазир дөләт тәрипидин иҗтимаий тәминати начар қатламларни қоллаш үчүн нурғун ишлар әмәлгә ашурулуватиду. Дөләтниң иҗтимаий сәясити, биринчи новәттә, һәқиқәтәнму ярдәмгә муһтаҗларға, йәни көпбалилиқ аилиләргә, пенсионерларға, накаларға, житимларға ярдәм беришкә қаритилған. Әнди һөкүмәт әмгәк қилишни халайдиғанлар үчүн ениқ программиларни тәйярлаватиду. Мәзкүр программилар «Даму» тиҗарәтчиликни тәрәққий әткүзүш фонди арқилиқ әмәлгә ашурулмақта. Нурсултан Назарбаев тәкитлигинидәк, дөләт бу сәясәтни келәчәктиму давамлаштуриду.

Әхмәтҗан ШАРДИНОВ,

Алмута шәһәрлик мәслиһәтниң депутати.