• Йеңилиқлар
  • 25 Қыркүйек, 2015

Президент данишмәнләр билән учрашти

Дөләт рәһбири Нурсултан Назарбаев Данишмәнләр кеңишиниң әзалири билән учрашти, дәп хәвәрлиди Президентниң мәтбуат хизмити. Учришишқа чәт әлләрниң даңлиқ дөләт әрбаплири билән Нобель мукапитиниң лауреатлири — Исраилниң сабиқ президенти Ш.Перес, Польшаниң сабиқ президенти Л.Валенса, Колумбияниң сабиқ президенти С.Трухильо, Испанияниң сабиқ премьер-министри Х.Сапатеро, МАГАТЭниң сабиқ баш мудири М.Әл-Барадеи вә башқилар қатнашти. Учришишқа қатнашқучилар дуниявий сәясәттики, ихтисат вә хәлиқара бехәтәрлик әһвални муһакимә қилди. Бу җәһәттин дөлитимизниң ташқи сәясәткә мунасивәтлик тәшәббуслири билән хәлиқара җамаәтчиликниң дуниядики түрлүк тоқунушларни йешиш үчүн күчләрни уюштуруш даирисидики роли бойичә мәсилә қозғалди. Қазақстан Президенти елимизниң мустәқиллик жиллири йәткән утуқлири тоғрилиқ ейтти.— Йолумизни башлиған пәйттә биз җан беқиш үчүн күрәш қилдуқ. Чүнки Қазақстанниң келәчиги вә мүмкинчиликлиригә мунасивәтлик тәхминләр сәлбий болидиған. Мошундақ истиқбал бизгә яқмиди. Шуңлашқа биз дадил һәрикәт қилишқа башлидуқ. Чоң қийинчилиқларниң бири, социалистик ихтисаттин базар ихтисадиға көчүш болди. Үч жилда хусусийлаштуруш жүргүзүлди. Мәркизий Азия бойичә кәң көләмдә инвестиция җәлип қилинди. Қазақстан һазирқи таңда риқабәткә қабил 50 дөләтниң қатариға, шундақла чоң көләмдә инвестиция җәлип қилинған дөләтләрниң жигирмилигигә кириду, — деди Дөләт рәһбири. Нурсултан Назарбаев дуниявий хам әшия базирида баһаниң турақсизлиғиға мунасивәтлик Қазақстанда индустрияләштүрүш сәясити әмәлгә ашуруватқанлиғиға, шу түпәйли кейинки жиллири йүзлигән йеңи карханилар селинғанлиғиға диққәт бөлди. Дөләт рәһбири һазирқи вақитта елимиздә индустриялик-инновациялик программиниң иккинчи бәшжиллиғи әмәлгә ашурулуватқанлиғи, униң асасий мәхсәтлириниң бири ихтисатниң хам әшия ресурслириға беқинда болуп қелишини планлиқ рәвиштә азайтиш екәнлигини ейтти. Қазақстан Президенти дөлитимизниң транспорт-логистика ихтидари вә инфрақурулум қурулушини тәрәққий әткүзүшкә йол алғанлиғиға тохталди. Нурсултан Назарбаев дөләттә течлиқ вә турақлиқни сақлашниң әһмийитигә, шуниң арқисида бүгүн қазақстанлиқлар келәчәккә ишәнчә билән қарайдиғанлиғиға диққәт бөлди.

172 рет

көрсетілді

0

пікір
Алдыңғы мақала Әл бирлиги — қийинчилиқни йеңишниң механизми
Келесі мақала «Уйғур авазиға» муштири топлаш башланди!

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы