• Гезитимиз җанкөйәрлири
  • 10 Желтоқсан, 2015

«Аятта» өткән алтун той

Өткән һәптидә Алмута шәһиридики «Аят» кафесида «Алтунбулақ-1» мәһәллисиниң жигитбеши Юнус Әршидинов билән Патигүл Әршидинова иккисиниң аилә қурғиниға 50 жил толған алтун тойи дағдуғилиқ нишанланди. Тойхана алдиға ақ лимузинда жигит вә қиз қолдиши билән кәлгән икки «яшни» уруқ-туққан, қом-қериндашлири, дост-бурадәрлири вә нәврә- чәврилири гүлдирас алқиш садалири астида гүлдәстиләр билән қарши алди. Андин алтун той егилирини уссулчи қизлар шох нахша-саз, әвришим уссуллар билән тойхана ичигә елип кирди. Өзлиригә тәрәп-тәрәптин һөрмәт билдүрүватқан меһманларни көрүп һаяҗанланған саһипханлар беқишип уссулға чүшти. Ата-аниниң хошаллиғида чәк йоқ. Пәрзәнтләр билән нәвриләр андин. Сорунбеги «Илаһим, өмрүңлар бүгүнкидәк пәқәт хошаллиқ билән өтсун. Бәхитлик һаят силәргә дайим яр болсун!», дегән иллиқ тилигини изһар қилип, уларни той төригә олтарғузди. Той тәнтәниси жирақ-йеқиндин кәлгән қәдирлик меһманларниң тәбрик сөзлири билән нахша-саз, уссулларниң алмишип туруши астида давам қилди. Һәммисиниң тилиги — «Бәхитлик һаят силәргә яр болсун, әврә очумидин су ичиш несип болғай!». Бизму, өз новитидә, миңлиған гезитханлар намидин Юнус ака билән Патигүл һәдини алтун тойи билән тәбрикләп, уларға мустәһкәм саламәтлик, аиләвий бәхит тилидуқ. Новәт билән изһар қилиниватқан мошу хилдики сәмимий тиләкләр жут инавитини алған, жут хизмитигә өзлирини беғишлиған, мунасивәттә меһриван, пак нийәтлик инсанларға көрситиливатқан иззәт-икрамниң ипадиси еди. Мошу йәрдә: «Махташ-мәдһийиләргә сазавәр болуватқан бу әр-аял зади немә иш пүтәрди?» дегән соалниң туғулуши тәбиий. Улар пүткүл аңлиқ һаятини адил әмгәккә беғишлиди. Қәйәрдә ишлимисун, зиммисигә жүкләнгән вәзипини шәрәп билән атқурди. Шуниң билән биллә, пәрзәнтлирини өзлиригә охшаш әмгәксөйгүч, милләтпәрвәр қилип тәрбийиләп, қатарға қошти. Һазир улар нәврилириниң тәрбийиси билән бәнт. Ата-анилиқ вәзиписи өз алдиға, әлвәттә. Шуниң билән бирқатар бу әр-аял җәмийәтлик ишларниң активисти, миллий мәдәнийитимиз билән маарипимизниң, әдәбиятимиз билән сәнъитимизниң һәқиқий җанкөйәрлири. Өзлири истиқамәт қилидиған мәһәллисидә һәрбир өйгә кирип, ана тилимизда чиқиватқан миллитимиз әйниги — «Уйғур авази» гезитиниң хәлқимиз үчүн қанчилик муһим, қанчилик қиммәтлик екәнлигини тәшвиқ қилип, бирму аилиниң гезитсиз қалмаслиғини тәминләватқанму, уйғур мәктивигә бала топлап, Уйғур театриниң билетлирини тарқитип жүргәнләрму шулар. Жутида той-төкүн, нәзир-чирақларниң сәрәмҗан һәм исрапсиз өткүзүлүшини назарәт қилип, жутдашлирини бирлик вә өмлүккә дәвәт қилип келиватқанму мошу мәрт-мәрданә инсанлар. Тәбиитидин аң көңүл, мунасивәттә меһриван җүп бу оқәтләрни бир мунчилар охшаш аброй-атақ елиш үчүн яки пул тепиш үчүн қиливатқини йоқ. Бу – уларниң тәғдири. Әсли мәхсәт бирәр адәмни махташтила әмәс, бәлки шундақ ақ көңүл адәмләргә җимики жүгү-житим ишлиримизни артип қоюп, паңшиң жүргән адәмләргә ой селишта. Қазақниң улуқ өлимаси Абай: «Һаят бена, сән шуниңға бир хиш бол» дегән екән. Уйғур хәлиқ нахшисида ейтилғандәк, «Бу дунияға ялиңач келип, ялиңач кетимиз!.. Жиққан-тәргиниң күл болуп көккә учиду. Адәм пәқәт яхши ишлири билән ядлиниду». Һә, «Алтунбулақ-1» мәһәллисиниң жигитбеши Юнус Әршидинов билән шу мәһәллидики Ханим- қизлар кеңиши рәисиниң орунбасари Патигүл Әршидинова әйнә шундақ изгү ишлири билән һөрмәт қазанған инсанлардиндур. Уларни қанчә махтап-мәдһийилисәң әрзийду.

Шәмшидин АЮПОВ.

300 рет

көрсетілді

0

пікір
Келесі мақала Яңра, «Уйғур авази»!

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы