• Йеңилиқлар
• 10 Желтоқсан, 2015

Қанатлиқ қурлар

Яшларға беғишланған гезит ичидики гезит Көзәйнәктин Көз  сорапту: – Ейтқинә, сән аҗизлиғимни йошуруп, маңа мәдәткар болуш нийитидиму яки қоршиған муһитни, йүз бериватқан һадисиләрни бурмилап көрситәй дәп кәлдиңму?*** – Алиқан, сән чавак челиштин башқисини билмәйдиған хошамәтчи! – дәп вақирапту Тил. Бираздин кейин: – Қачанғичә сениң дәрдиңни тартимиз? Кәлгүлүк бизгила келидиған болди. Алиқанниң муш болуп түриләләйдиғанлиғини унтидиңму?! – дәп кайипту қанға боялған Калпук билән Чиш.

***

Төр Босуғиға махтинипту: – Қара мәндә не-не есил, инавәтлик инсанлар олтириду. Босуға: – Әгәр мән иллиқ қарши елишни, кәлгәнләрни қәдирләшни билмисәм уларму төрдин орун алматти, – дәп җавап берипту.

***

Өй телефони Янфондин сорапту: – Сени шунчилик аммибаплаштурған, мәшһур қилған қандақ хасийитиң? – Әркинлигим, – дәп җавап берипту Янфон. Өйдин, нери кәтсә һойлидин жираққа чиқалмиған Өй телефони Янфонниң бу җававиға қайил болуп, әркинлигини арман қилип яшаветипту.

* * *

Ләвләр Пиялиға рәнҗипту: – Өзәңдики суюқлуқниң қайнақ екәнлигидин хәвәр берип қойсаң немәң кетәтти?! – Қайнақ, соғ билән карим йоқ. Өзәмниң бош турмиғинимға хушмән, – дәп рәддийә берипту Пиялә.

* * *

Миқ: – Мән қанчилик учлуқ болмай, әгәр болқа болмиса әң юмшақ йәргиму кирәлмәттим. Болқа мени һаҗәт йәргә ишләтмисә, дат бесип керәксиз болуп ятаттим. Мениң бу дунияда өз орнумни тепишқа түрткә болған Болқиға рәхмәт, – дәп миннәтдарлиғини изһар қипту.

Азнат ТАЛИПОВ.