• «Мәшъәлниң» меһмини
• 20 Мамыр, 2016

Бизниң Өмәрҗан

Исми – Өмәрҗан. Фамилияси – Идиллаев. Туғулған жили —  1984.Өткәндә кәсипдишим Бәхтишат Һосмановниң янфонидики бой­ниға онлиған медаль асқан жигитниң сүритигә көзүм чүшти. Сүрәткә зоқлинип қарап, униң ким екәнлигигә қизиқтим. У Уйғур наһийәси  Ават йезисиниң турғуни Өмәрҗан Идиллаев болуп чиқти. У Алмута шәһиридики Абай намидики Қазақ миллий университетида оқуватқан жиллирила кикбоксинг билән мәшиқлинип, көпчиликниң көзигә челиқиду. Дәсләп, 2004-жили Қазақстан чемпионатиға иштрак қилип, күмүч медальға сазавәр болиду. Бу униң дәсләпки медали еди. Андин Азия чемпионатиға  иштрак қилип чемпион атилиду. 2007-жили Грекияда өткән дуния чемпионатида иккинчи орунни егиләйду. – Дуния чемпионатиға йәттә қетим иштрак қилдим. Нәтиҗидә, 3 күмүч, 3 бронза медалиға муйәссәр болдум. Амма алтунға қол йәткүзәлмидим, – дәйду Өмәрҗан биз билән болған сөһбәттә. Бүгүн у «Нийәт» спорт клубида мәшиқләндүргүчи. Униң ишәнчисини ақлаватқан шагиртлириму бар. Мәсилән, Ризайдин Райлин Қазақстанниң 7 дүркүн чемпиони аталди. Мениң мошундақ егиз чоққиларда көрүнүшимгә зә­мин яратқан тәҗрибилик мәшиқ­ләндүргүчилирим  Долқун Қәмә­ковқа, Алик Җәлиловқа рәхмәт ейтимән. Маддий жәһәттин болса, мени дайим қоллап кәлгән Тиләпҗан  Йүсүповқа миннәтдарлиғим  чәксиз, – дәйду Өмәрҗан. Абдулҗан АЗНИБАҚИЕВ.