• Йеңилиқлар
• 15 Шілде, 2016

Балилиримиз дәм елишни көңүлдикидәк өткүзүватиду

Мана, һәш-пәш дегичә, оқуғучилар үчүн алаһидә көңүллүк пәйт һесаплинидиған язлиқ тәтилниң йерими өтүп кәтти. Һазир яш өсмүрләр бу күнләрни мәмликитимизниң һәрхил җайлиридики лагерьларда, дәм елиш орунлирида, сап һаваға вә һәрхил сәргүзәштиләргә толуп-ташқан мәһәллә-йезиларда шат-хорамлиқ билән өткүзмәктә.Мана, һәш-пәш дегичә, оқуғучилар үчүн алаһидә көңүллүк пәйт һесаплинидиған язлиқ тәтилниң йерими өтүп кәтти. Һазир балилар бу күнләрни мәмликитимизниң һәрхил җайлиридики лагерьларда, дәм елиш орунлирида, мәһәллә-йезиларда шат-хорамлиқ билән өткүзмәктә. Мундақ лагерь бу жили Алмута шәһириниң А.Розибақиев намидики 153-мәктәп-гимназиядиму ишлиди. Хәлиқара балиларни һимайә қилиш күнидин башлап паалийәт көрсәткән бу лагерь пәқәт күндүзлүк вақитқа мөлчәрләнгән болуп, униңда дәм елиш бөлмилири, спорт мәйданлири, бир вақитлиқ тамиғи билән ашхана, тиббий кабинет вә башқиму мүмкинчиликләр яритилди. Бир ай мабайнида балилар тәрбийичиләрниң диққәт нәзәридә, алаһидә ғәмхорлуғида болди. 150тин ошуқ балиниң саламәтлиги вә бехәтәрлигини тәминләшкә мәктәп мудириниң башланғуч синиплири бойичә орунбасари Майгүл Камалованиң йетәкчилигидики жигирмидин ошуқ муәллим, тиббий хадим сәпәрвәр қилинди. Лагерьда «Әссалам, яз», «Мениң елимниң рәмзлири», «Астана – мениң ғурурум», «Китап – мениң йеқин достум». «Мениң сөйүмлүк достлирим», «Алло, биз талантларни издәймиз», «Әң әқиллик», «Һәммини билгүм келиду» мавзулирида конкурслар, спорт мусабиқилири, интеллектуаллиқ марафонлар, викторинилар өткүзүлүп, оқуғучилар өзлириниң билимини, қабилийитини, талантини намайиш қилди. Хуласиләп ейтқанда, ата-анилар, мундақ сағламлаштуруш лагерьлириниң балилар үчүн әһмийәтлик  екәнлигини чүшәнгән болса керәк, дәп ойлаймиз. Чүнки һазир балиларниң көпчилиги вақитни қандақ өткүзүшни билмәй, тәнтирәп қалидиған бир  мәзгил. Һәқиқәтни ейтсақ, һазир ата-аниларниң әсли балилириға болған ғәмхорлуғиниң, диққитиниң әң күчийидиған пәйти. Балиларниң вақитни бошқа өткүзмәй, һәр бир күнни тоғра пайдилинишни билиши, биринчи нөвәттә, әйнә шу ата-аниларға бағлиқ болмақта.  Шуңлашқа биз, устазлар, балилиримизниң тәтилни көңүллүк өткүзүп, йеңи оқуш жилиға чиниққан вә жуқури кәйпиятта келишини халаймиз.

Пәридәм ТАЛИПОВА,

башланғуч синип муәллими.

Алмута шәһири. *** Тәтил башлиниши билән Өсәк дәрияси бойидики «Қарлығаш» спорт-сағламлаштуруш лагериму  ишқа  киришти.  Лагерьда  балиларниң  вақтини хуш өткүзүши үчүн һәммә шараит моҗут. Биринчи мәвсүмдә 180 бала дәм алди. Лагерьда Лесновка йезисидики Д.Рақишев намидики оттура мәктәпниң 17 муәллими  билән тәрбийичилири ишләватиду. «Қарлығаш» лагерида балиларниң ятақхана бөлмилири таза, йоруқ болуп, уларниң саламәтлигини һәмшириләр тәкшүрәп туриду. Бүгүнки күн тәливигә лайиқ ашханида  балиларға 4 вақлиқ иссиқ тамақ  берилиду. Йеқинда «Қарлығаш» спорт-сағламлаштуруш лагериниң ечилиш тәнтәниси болуп өтти. Униңда наһийә һакиминиң орунбасари Роза Мағрупова, лагерь мудири Сержан Рақимғазиев, наһийәлик мәслиһәтниң кативи Ермек Нурахметов, яшлар намидин Жандос Орманбеков вә башқилар сөзгә чиқип, балиларниң язлиқ дәм елишини көңүллүк өткүзүшигә тиләкдашлиғини билдүрди. Лагерьниң иккинчи мәвсүмидә Яркәнт шәһиридики Билал Назим намидики уйғур оттура мәктивиниң 20 муәллими   наһийә мәктәплириниң 220 оқуғучисиниң дәм елишини көңүлдикидәк уюштуруш үчүн киришти. Гөһәрбүви ИСМАЙИЛҖАНОВА. Панфилов наһийәси. *** Лагерьда «Чөчәкләр  елигә сәяһәт» мавзусида мусабиқә уюштурулуп, униңда «Бирлик» топи ғалип чиқти. Әнди «Лагерь мәликиси» мусабиқисидә Альбина Һезмахунова баш мукапатқа егә болса, Рахмина Азадова  — І, Санийәм Әхмәтова  — ІІ, Диләрәм Абдувалилова ІІІ орунға муйәссәр болди. «Жигит  султани» мусабиқисидә  Ислам  Маликов жигит  султани аталса, «Алло, биз талантларни  издәймиз» мусабиқисидә  Меһришат Һәмраев билән Гүлнисәм Ташполатова алдинқи орунлардин көрүнди. «Қазына іздеу» мусабиқисидә «Достлуқ» топи ғалип чиқти. «Мениң  Президентим» мавзусида өткүзүлгән иншалар конкурсида Тахмина Әхмәтова билән Айниса Илахунова биринчи орунға муйәссәр болди.

Қурванхан  ҚУТЛУҚМӘМӘТОВА.

Яркәнт шәһири.