• Әнҗуман
  • 03 Қараша, 2016

«Қазақстан – мениң һаятим вә тәғдирим»

Бийилқи жилниң әң чоң мәйрими – Қазақстан Җумһурийити Мустәқиллигиниң 25 жиллиғи. Мәйрәм йеқинлашқансири, ели­мизниң җай-җайлирида бу сәнәгә беғишланған һәрхил ча­рә-тәдбирләр күндә дегидәк өтүватиду. Буниңдин Алмута шә­һәрлик Уйғур этномәдәнийәт мәркизиму истисна әмәс. Мәркәз йенидики Анилар кеңишиниң уюштуруши билән Достлуқ өйидә өткән «Қазақстан – мениң һаятим вә тәғдирим» мавзусидики конференциягә әмгәк ветеранлири, һәрхил кәсип егилири, яшлар вә һөкүмәтлик әмәс тәшкилатларниң вәкиллири қатнашти. Униңға мәзкүр кеңәшниң рәиси Әхтирим Әхмәтова риясәтчилик қилди. Әнҗуман иштракчилириниң диққитигә елимиз мустәқиллик алғандин кейинки уйғурларниң һаяти, қол йәткүзгән утуқлири, тонулған миллитимиз вәкиллири һәққидики видеофильм һавалә қилинғандин кейин сөзгә чиққан Қазақстан хәлқи Ассамблеяси Алмута шәһәрлик кативатиниң рәһбири Маргарита Абдалиева, Достлуқ өйиниң бөлүм рәһбири Гүлсүм Түкенова вә Алмута шәһәрлик мәслиһәтниң депутати Нурия Ниязова Достлуқ өйидә 25 этномәдәнийәт мәркизиниң җайлашқанлиғи һәм бу йәрдә яхши ишларниң әмәлгә ешиватқанлиғи вә уларниң хәлиқара достлуқ һәм разимәнликниң нишани екәнлигини атап көрсәтти. «Интизар» қийин вәзийәттә ярдәмлишиш мәркизиниң муди­ри Һурқиз Илиева Қазақстан аял­лириниң һоқуқлири би­лән мүмкинчиликлирини капаләт­лән­дүридиған «Гендерлик баравәрлик» стратегияси һәққидә өз пикирлири ейтти. «Шәриқ аяллириниң хәлиқара экологиялик ассоциациясини» қу­руп, 26 жил мабайнида тәбиәт тазилиғи, ядросиз һаят тәризи һәм күн шолиси технологиялири мәсилилирини тәрғип қилип кәлгән Һурқиз Злавдун қизи келәр жили елимиздә өтидиған ЕХРО көргәзмисиниң дуниявий әһмийәткә егә екәнлигини ала­һидә тәкитлиди. «Азия бүгүн» гезитиниң баш муһәррири Ташгүл Һезиярова, ШУЭМ йенидики Ханим-қизлар кеңишиниң рәиси Маһинур Исрайилова, Алмута шәһиридики уйғур тилидики билим дәргаһлириниң уйғур тили вә әдәбияти пәниниң муәллимлири, әмгәк ветеранлири аялларниң җәмийәттики орни һәм роли, ана вә бала мәсилилиригә тохталди. Конференция давамида Уйғур наһийәси Кичик Ақсу оттура мәктивиниң уйғур тили вә әдәбияти пәниниң муәллими Руқийәм Исрайилова,  яш дохтур Наргиза Гүлиева вә «Әхбарат» журналиниң иҗраий мудири Гүлназ Искәндәрова «Миллий урпи-адәтләрни сақлап қелишниң чарә-тәдбирлири»,  «Сағлам бала – мәмликәт келәчиги» вә «Инақ аилә – меһриван хошнилар» намлиқ докладларни оқуди. Рашидәм РӘҺМАНОВА.

269 рет

көрсетілді

0

пікір
Алдыңғы мақала Йеңичә оқутуш мәсилилири қаралди
Келесі мақала Алим тәвәллудиға  Беғишланди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы