• Тәбрикләймиз
• 16 Желтоқсан, 2016

Тәбрикләймиз!

Қазақстан Җумһурийити Мустәқиллигиниң 25 жиллиғи һарписида Қуддус Ғоҗамияров намидики җумһурийәтлик дөләт Уйғур музыкилиқ-комедия театриға «академиялиқ» мәртивисиниң берилиши мунасивити билән театр коллективини «Уйғур авази» арқилиқ тәбрикләш хаһишини билдүргән гезитханлар хелила нурғун болди. Лекин, уларниң һәммисини гезитимизда елан қилиш, мәлум сәвәпләргә бола, мүмкин болмиди. Шуңлашқа тәбриклигүчиләрниң иллиқ ләвзини җумһурийәтлик дөләт Уйғур академиялиқ театри коллективиға йәткүзгәч, сәнъитимизниң шәнини егиз көтириватқан миллий сәһнә маһирлирини қизғин вә сәмимий тәбрикләп, иҗадий утуқ вә аиләвий хатирҗәмлик тиләймиз! «Уйғур авази» гезитиниң коллективи.