• 27-март — Дуниявий театр күни
  • 30 Наурыз, 2017

«Сахнагер-2017» мукапити тапшурулди

Астанада Дуниявий театр күнигә беғишланған «Сахнагер-2017» Биринчи миллий театр мукапитиниң лауреатлири елан қилинди. Тәнтәнилик мәрасимға Қа­зақстан Җумһурийитиниң дөләт кативи Гүлшара Әбдиқалықова, мәдәнийәт вә спорт министри Арыстанбек Мухамедиулы, Парламент депутатлири, мәмликәтниң атақлиқ театр вә сәнъәт әрбаплири қатнашти.Дөләт кативи өзиниң тәбрик сөзидә Қазақстан Прези­дентиниң мәмликәт тәрәқ­қиятида мәдәнийәт вә сәнъәтниң муһим роль ойнаватқанлиғини алаһидә тилға алидиғанлиғини атап көрсәтти. Мустәқиллик жиллирида «Мәдени мұра» дөләт программиси әмәлгә ашурулди, 52 театр утуқлуқ ишләватиду, «Астана Опера», «Астана Балет» театрлири, шундақла Қазақ миллий сәнъәт университети, Қазақ миллий хореография академияси ечилди. Гүлшара Әбдиқалықова 2016-жили қурулған Қазақстан Театрлар ассоциациясиниң мәмликәтниң роһий-мәдәний һаятини вә яшларниң иҗадий ихтидарини тәрәққий әткүзүшкә салмақлиқ һәссә қошидиғанлиғиға, Дөләт рәһбириниң Мәктүбидә бәлгүләнгән мәхсәтләрни әмәлгә ашурушқа ярдәм қилидиғанлиғиға ишәнчә билдүрди. «Сахнагер» миллий театр мукапити әмгәккә иҗабий мунасивәтни шәкил­ләндүридиған, мәмли­кәтниң бирпүтүн мәдәний кәңлигини күчәйтидиған, қазақстанлиқ вәтәнпәрвәрликни тәрәққий әткүзидиған әсәрләрни яратқанлиғи үчүн берилиду. Мукапат бийил «Самруқ Қазына» Миллий паравәнлик фонди» акционерлиқ җәмийитиниң қоллап-қувәтлиши билән Қазақстан Театрлар ассоциацияси тәрипидин тәсис қилинди. Дөләт кативи театр сәнъитини тәрәққий әткүзүшкә алаһидә һәссә қошқанлиғи үчүн берилидиған мукапатни йеқинда йүз яшлиқ тәвәллудини нишанлиған Айша Абдуллина билән СССР хәлиқ артисти Асанәли Әшимовқа тапшурди. Дөләт рәһбириниң тапшурмиси бойичә миллий театрлар – Уйғур, Корей вә Немис театрлириға пәхрий академиялик унван тапшуруш мениң үчүн чоң шәрәп, — деди мәдәнийәт вә спорт министри Арыстанбек Мухамедиулы. — Мундақ жуқури утуқ-муваппәқийәтләр Милләт Лидериниң қазақстанлиқлар әмәлгә ашуруватқан бәрпа­карлиқ вә течлиқсөйәрлик сәясити түпәйли мүмкин болди. Шундақла Юрий Померанцев, Меруерт Өтекешева, Қуралай Ешмуратова, Талғат Теменов, Бақытбек Алпысбаев охшаш көплигән сәһнә маһирлири һәрхил номинацияләр бойичә мукапатларға сазавәр болди. Мукапатланғанларниң арисида Қ.Ғоҗамияров намидики дөләт академиялик Уйғур театриниң мудири Руслан Тохтахуновму бар. У «Әң яхши менеджер» номинацияси бойичә мукапатқа егә болди.

273 рет

көрсетілді

0

пікір
Алдыңғы мақала Руслан ТОХТАХУНОВ:«Ишлигән адәмниң әмгиги мунасип баһалиниду»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы