- Дидар ғенимәт
- 31 Тамыз, 2017
Синипдашлар яйриған күн
Мәшүр САСИҚОВ,«Уйғур авази»/ Йеқинда Гүлдала йезисидики «Гүлдала» кафесида Талғир наһийәсиниң Туздыбастав мәлисидики (илгәрки Калинин) оттура мәктәпни 1975-жили тамамлиған синипдашларниң учришиши болуп өтти. Улар дәсләп илгиридинла тәшәббускарлиғи билән көзгә чүшкән Абдуҗелил Именов, Җалалдин Розахунов вә Җамалдин Насировниң синипдашлар һөрмитигә яйған дәстихан әтрапиға жиғилди. Көпчилик әнъәнә бойичә дуниядин өткән устазлири билән синипдашлириниң роһиға дуа-тәгбир қилди. Болупму улар синипдиши, хәлқимизниң мунәввәр пәрзәнди вә уйғур маарипини риваҗландурушқа салмақлиқ һәссә қошқан Әнвәр Һаҗиевни хатириләп, униңдәк билимлик, өз миллитигә шу қәдәр көйүнидиған милләтпәрвәр инсанниң аримиздин бемәзгил кәткәнлигигә алаһидә ечинишлиқ билдүрүрди. Синипдашлар арисида йәнә бир илим-пән саһасида утуқ қазанған алим бар екән. У – физика-математика пәнлириниң доктори Қутуп Балинов болуп, у яқ һазир Ташкәнт шәһиридә яшайду.
Бу дөрән өткән-кәчкән күнләрни әслишип яйрапла кәткән синипдашлар җамаәтчилик ишлириниң активисти Җамалдин Насировниң риясәтчилигидә вақитниң түн йеримдин ешип кәткәнлигини сәзмәй қалди.
Қисқиси, бу күн синипдашларниң яйриған күнигә айланди.
301 рет
көрсетілді0
пікір