• Ақ йол тиләймиз
• 30 Қараша, 2017

Шадийәмниң шатлиғи

 Йеқинда Пәнҗим йезисидики А.Розибақиев намидики оттура мәктәптә мәзкүр билим дәргаһиниң рус тили вә әдәбияти пән бирләшмисиниң йетәкчиси Халидәм Исмайилҗанованиң уюштуруши билән 11-синип оқуғучиси Шадийәм Әмруллаеваниң «Чувства» намлиқ шеирлар топлиминиң тонуштуруш мәрасими болуп өтти. Мәрасимни Халидәм Исмайилҗанова киришмә сөз билән ечип, Шадийәм һәққидә қисқичә тохтилип өтти. Андин топламниң муәллипи шеирлирини ипадилик оқуп бәрди. Кәч давамида Шадийәмниң бовиси, атақлиқ бағвән Әмрулла Абдуллаевқиму сөз новити берилди. Мән нәврәм билән һәқлиқ түрдә пәхирлинимән, — дәп сөзини башлиди Әмрулла ака. — Дәсләп униң рус тилиға болған қизиқишини байқидим. Кейин мошу тилда иҗат қилишқа башлиди. Нәврәмгә мошундақ пухта билим бериватқан устазлириға миннәтдарлиғим чәксиз. Мәрасимда сөзгә чиққан башқиму натиқлар яш иҗаткарға иҗадий утуқ тилиди. Мәрасимниң ахири концертлиқ программиға улашти. Молутҗан ТОХТАХУНОВ. Панфилов наһийәси.