• «Уйғур авазиниң» сәйилгаһи
• 05 Қаңтар, 2018

«Хәлиқара уйғур тәтқиқати» журналиниң новәттики сани

Интернет-нәшир/ Түркиядә чиқидиған мәзкүр тор журналиниң 10-санида профессор Алимҗан Инайәтниң «Из» романидики урпи-адәтләргә мунасивәтлик амиллар», Әнқәрә Ғази университети уйғур тили пәниниң оқутқучиси, доктор Асун Дәмирәз Гүнәриниң «Һазирқи заман уйғур тилидики сөз ясиғучи қошумчилар тоғрисида», Бурса Улудағ университетиниң оқутқучиси Минара Алиеваниң «Уйғур тилшунас алими Мирсултан Османов вә Лопнур диалекти», Өзбәкстан пәнләр академияси Шәриқшунаслиқ институтиниң оқутқучиси Ширәли Қолдашевниң «Қоқәнд ханлиғидики уйғурлар», Биләҗик шәйх Әбәдали университети түрк тили вә әдәбияти факультетиниң оқутқучиси Замирәм Ғулҗалиниң «Һазирқи заман уйғур тилида пеилларниң заман райи категорияси билән түрк тилидики заман райи категориясиниң селиштурмиси» қатарлиқ илмий мақалиларға орун берилгән. Түркиядә докторлуқ илмий унвани үчүн оқуватқан уйғур зиялиси Абдуваһит әпәнди журналниң мәзкүр саниниң мәзмун җәһәттин хелә чоңқурлуғини, униңда тил вә әдәбияттин башқа муһит, сәнъәт, тарих, бағвәнчилик вә компьютер саһалириға мунасивәтлик мақалиларғиму орун берилгәнлигини, буниң уйғур тәтқиқати даирисиниң кәңийишигә түрткә болидиғанлиғини баян қилиду. Мәлум болушичә, һазир Түркияниң 14 университетида уйғур тили пәни оқутулиду. Шуниң билән биллә уйғурларни тәтқиқ қилғучилар саниму күндин-күнгә көпәймәктә. www.rfa.org