• Йеңилиқлар
  • 25 Қаңтар, 2018

Мәнивий йеңилинишни һәрким өзидин башлиши керәк

Йеқинда әл-Фараби намидики ҚазМУниң шәриқшунаслиқ факультетида «Әтрап муһитни гөзәлләштүр» вә «Сағлам һаят» лайиһилири даирисидә Қазақстанниң хизмәт көрсәткән мәшиқләндүргүчиси, бокс бойичә хәлиқара дәриҗидики спорт маһири, Сидней олимпиадисиниң чемпиони Ермахан Ибраимов билән учришиш болуп өтти. ­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­Учришишни факультет декани Ықтияр Палтөре киришмә сөз билән ечип, мундақ деди: «Һәммиңларға мәлум, Дөләт рәһбири Нурсултан Назарбаевниң бийилқи Қазақстан хәлқигә йоллиған Мәктүби бизни интайин муһим мәсилиләрни йешишкә дәвәт қилиду. Мәктүптә «Өзиниң тарихини, тилини, мәдәнийитини өзләштүргән, шундакла заманға лайиқ, чәт әл тиллирини билидиған, илғар вә дуниявий көзқариши бар қазақстанлиқ бизниң җәмийитимизниң идеалиға айнилиши лазим» дәп ейтилған пикирләр әйнә шуниң рошән испатидур. Демәк, биз милләтниң ихтидарини ашуруш үчүн мәдәнийитимизни буниңдин кейинму тәрәққий әткүзүшкә күч селишимиз керәк. Мәнивий йеңилинишниң маһийитиму нәқ мошуниңда. — Елимизниң келәчиги силәрниң қолуңларда — деди Ермахан Сағиулы яшларға мураҗиәт қилип — шуниң үчүн елимиз Президенти силәрдин көп үмүт күтиду. Мустәқил дөлитимизни башқурушниң ачқучи силәрниң қолуңларда, сәвәви, силәр — билимлик, ихтидарлиқ яшлар. Шундақла силәр билим рейтинги бойичә әң алий дәриҗидики билим дәргаһи болған әл-Фараби намидики Қазақ миллий университетида тәһсил көрүватисиләр. Мәнму мошу билим дәргаһиниң учумкари. Аддий малчиниң балиси мошундақ егиз чоққиларға кандақ йәтти? У — Дөләт рәһбириниң һәрдайим спортқа көп көңүл бөлгәнлигиниң, хәлқимниң маңа болған меһриниң вә, әлвәттә, өзәмниң тинмай әмгәк қилғанлиғимниң нәтиҗиси. Силәргә ейтарим, спорт билән шуғуллиниңлар. Спорт — саламәтлик капалити. Тинмай издинип, әмгәк қилсаңлар, чоқум көзлигән мәхситиңларға йетисиләр. Мәнивий йеңилинишни һәрким алди билән өзидин башлиши керәк. Шу вақитта елимиз техиму гүллинип, йүксилиду. Учришиш ахирида Ермахан Ибраимов студентлар тәрипидин қоюлған соалларға қизиқ һәм тәсирлик җавап бәрди вә улар билән хатирә сүрәткә чүшүшниму унтумиди. Гүлжамал ҚОРТАБАЕВА, ҚазМУ Шәриқшунаслиқ факультети «ТҮРКСОЙ» кафедрисиниң доценти, филология пәнлириниң намзити.

89 рет

көрсетілді

0

пікір
Алдыңғы мақала Улуқ Ипәк йолидики жутлар
Келесі мақала Төртинчи санаəт инқилави: тəрəққиятниң йеңи имканийəтлири

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы