- Йеңилиқлар
- 24 Тамыз, 2012
Алмутида йәр тәврәмду?
Қазақстанлиқ башарәтчи Бақыт Жуматова сентябрь ейида Алмута шәһиридә йәр тәврәйдиғанлиғини сезип жүрүптәкмиш.
Қазақстанлиқ башарәтчи Бақыт Жуматова «15-сентябрьдин кейин Алмута шәһиридә йәр тәврәйду», дәп тәхмин қиливатиду. Экстрасенс алмутилиқларни әндишигә салғуси кәлмигини билән, әң керәклик нәрсилирини жиғиштуруп, һәр қандақ әһвалға тәйяр болушқа чақириш билән бәнт. Тәхминлирини хәлиққә йәткүзүшни «пәризим» дәп һесаплайдиған Б.Жуматованиң қәйт қилишичә, униң башарәтчилик хислити билән тәхминлири уруқ-туққанлири билән достлирини бирнәччә апәттин сақлап қалған. Мәсилән, өткән жили Һиндстанниң Деһли шәһиридики достлириға дәрһал бу шәһәрдин кетишини агаһландурған күнниң әтиси Һиндстан пайтәхтидә тәбиий апәт йүз бәргән. «Көңүлсиз әһвални алдин-ала сәзгән пәйттә, бир яққа барғум келиду. Алмутида болған йәр тәврәшләрниң биридә мән Москвада едим. Бу қетим Америкиға берип-келишни нийәт қиливатимән», дәйду башарәтчи.
Ейтиш керәкки, Жуматованиң бу тәхминини көрнәклик биофизик Виктор Илюшинму тәстиқлигән. Алимниң ейтишичә, сентябрь ейиниң оттурисида җәнубий пайтәхттә күчи икки-төрт баллни тәшкил қилидиған йәр тәврәш болуши еһтималдин жирақ әмәс. Бирақ йәнә бир экстрасенс Махаббат Қайдарова билән сейсмолог мутәхәссисләр йеқин арида һеч қандақ тәбиий апәтниң йүз бәрмәйдиғанлиғини тәкитлимәктә.
Илаһим, Бүйүк Алла тоғра бала-қазалардин, тәбиий апәтләрдин сақлиғай!
610 рет
көрсетілді0
пікір
