• Дидар ғенимәт
  • 05 Шілде, 2018

Гөзәл яшлиғимизни әсләткән учришиш

Бир түркүм милләтпәрвәр инсанлар, устазлар вә колхозда истиқамәт қиливатқан жут мөтивәрлириниң тәшәббуси вә Алмута вилайәтлик маарип бөлүминиң қоллап-қувәтлиши билән 1957-жили Талғир наһийәсиниң Калинин йезисида (һазирқи Туздыбастав) сәккиз жиллиқ мәктәп ечилиду. Қазақ, рус синиплири билән биллә уйғур синиплириму ечилип, сәккиз жиллиқ программа бойичә иш елип бариду.Бу билим очиғиниң шәкиллинишигә өз һәссилирини қошқан Савут Кибиров, Ибадәт Җаһанова, Абдрим Муһәмәтов, Пәхирдин Хәйрудинов, Илахун Әнсәров, Һаким Муһидинов, Ярмәһәмәт Қурбанниязов, Һебибуллам Қаһаров қатарлиқ алий билимлик устазлар апирин әйләшкә әрзийду. Уларниң ичидә асасий пәнләрдин физика-математика муәллими Илахун Әнсәров, химия пәнидин Һаким Мухиддиннов, уйғур тили вә әдәбияти пәнидин Абдрим Муһәмәтов, тарих-география вә башқа пәнләрдин Лена Зордунова, Клара Мәшүрова һәдилиримиз дәрис бәрсә, башланғуч синипларни Ибадәт Җаһанова оқутиду. Шу жиллири жирақ йезилардин кәлгән оқуғучилар билән яйлақта ишләватқан малчиларниң балилири үчүн мәктәп йенида ятақхана вә ашхана ечилип, оқуғучиларниң тәләпләр дәриҗисидә билим елишиға колхоз тәрипидин барлиқ имканийәтләр яритилиду. 1968-жили Талғир наһийәси бойичә биринчи болуп 10-синипни өз ана тилимизда 17 нәпәр оқуғучи пүтәрдуқ. Мана шуниңдин буян вақит өтүпту. Мошу 50 жил мабайнида синипдашлиримизниң тәңдин-толиси Ташкәнт, Алмута вә башқа шәһәрләрдә оқуп, өзлири арман қилған мутәхәссисликләрни егилиди. Худавәди Мәсалов, Нурмәһәмәт Баһавдинов, Абдурешит Әкбәров, Гүлҗаһан Абдуллаева, Гүлбанум Илахунова вә мошу қурларниң муәллипи шулар җүмлисиндур. Бизниң синипдашлиримиз арисида бизниң пәхримиз — Гүлҗаһан Абдуллаева. У өзи яш вақитлирида арман қилип жүргән һәрбий учқуч болуш арзуси әмәлгә ашти. Гүлҗаһан –тиришчанлиғи, пидакарәнә әмгигиниң нәтиҗисидә СССР ДОСААФ авиаклубиниң һәрбий учқучи, СССР талланма команда әзаси, парашюттин сәкрәш бойичә спорт маһири, мурәккәп учуш дәриҗиси бойичә һәрбий техникилиқ спартакиадида Қазақстан чемпиони атиғини елип, алтун медальға еришкән бирдин-бир уйғур қизи. Бийил 30-июнь күни Туздыбастав оттура мәктивидә синипдашлиримизниң 50 жиллиқ учришиш мәрасимини өткүздуқ. Учришишқа қәдирдан, меһриван устазлиримиз һәм учришиш меһманлири җумһурийәтлик «Уйғур авази» гезитиниң муһәррири Ершат Әсмәтов, мәзкүр билим дәргаһи мудириниң орунбасари Пәридәм Қурбанниязова, устазлардин Бәхтинур Зайитова иштрак қилип, унтулмас яшлиқ күнлиримизни әсләп, сөһбитимизни техиму қизғин овҗ алдурди. Дуниядин өткән әзиз устазлиримиз билән синипдашлиримиз роһиға атап қуръан оқуп, дуа тилавәт қилдуқ. Учришиш иштракчилири вә қәдирдан синипдашлар әллик жиллиқ учришишта өзара изгү-тиләклирини ейтишип, мошу учришишниң тәшәббускарлири Хизир Сабиров, Селимәм Баһавдиноваға, шундақла учришишқа егидарчилиқ қилған, ағинимиз Реһимҗан Тоқаевқа миннәтдарлиғини билдүрди. Җамалдин ӘЛИЕВ. Талғир наһийәси.

42 рет

көрсетілді

0

пікір
Алдыңғы мақала Синипдашлар баш қошти
Келесі мақала Аридин атмиш жил өтүпту...

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *