• Дидар ғенимәт
  • 19 Шілде, 2018

Савақдашлар баш қошти

Гөһәрбүви Исмайилҗанова, «Уйғур авази» Наһийәдила әмәс, бәлки вилайә, һәтта җумһурийәт бойичә педагогикилиқ мәхсус оттура билим беридиған Панфилов педагогикилиқ училищеси ( һазирқи Яркәнт гуманитарлиқ-техникилиқ коледжи) әң чоң билим дәргаһлириниң бири болуп һесаплиниду. Асаси Сопи Зәрват мәктивидин башланған оқуш орниниң паалийәт елип бериватқиниға келәр жили тохсән жил толиду. Бу жиллар мабайнида мәзкүр билим дәргаһидин йүзлигән устазлар учум болуп, миңлиған шагиртлар қәлбигә билим уруғини сәпмәктә.Алаһидә тәкитләшки керәкки, учум болғанлар арисидин пәқәт муәллимләрла әмәс, алимлар, шаир-язғучилар вә журналистларму йетилип чиқти. Җумһурийитимизниң җай-җайлирида оқутуш ана тилида жүргүзүлүватқан мәктәпләрдә сүпәтлик билим, аңлиқ тәрбийә бериш йолида әмгәк қилип, һөрмәтлик дәм елишқа чиққан яки бүгүнки таңда устазлиқ қиливатқанлар йүзләп санилиду. Мана шу сабиқ шагиртлар қанчә вақит өтсиму, таллиған кәспи бойичә билим алған дәргаһқа һәржили келип, тәлим бәргән устазлириниң һалидин хәвәр алғач, улар билән учришишлар өткүзүшни әнъәнигә айландурди. Йеқинда мәзкүр билим дәргаһини 1998-жили тамамлиған Алмута вилайитиниң Панфилов, Уйғур вә Әмгәкчиқазақ наһийәлиридин 30 нәпәр қиз-жигит колледжға кәлди. Улар тәҗрибилик оқутқучи Яқупҗан Абдуқадировниң йетәкчилигидә колледжни муваппәқийәтлик тамамлап, һәр тәрәпкә учум болған еди. Топ йетәкчиси һөрмәтлик дәм елишқа чиққан, бүгүнки күндә студент яшларниң мәслиһәтчиси Яқупҗан Абдуқадиров шагиртлири билән дидарлишип, колледжниң бүгүнки нәпәси һәққидә әтраплиқ сөзләп ейтип бәрди. Шу күни кәчтә учришиш қатнашқучилири шәһәрдики «Нур» кафесида мәйрәмлик дәстихан әтрапида баш қошуп, студентлиқ алтун дәврини әскә алди. Кәч давамида һазир Алмута шәһиридики Абдулла Розибақиев намидики 153-мәктәп-гимназияси мудириниң орунбасари Бүвихелчәм Иминова, Яркәнт шәһиридики Җамбул намидики мәктәпниң муәллими Толунай Насирбекова, Пәнҗим йезисидики А.Розибақиев намидики мәктәпниң устази Тайирҗан Йүсүпов вә башқилар устазлири Һосманҗан Мөрдинов, Мейманқиз Розиева, Асийәм Норузова қатарлиқ устазлири билән қийин лекин шәрәплик кәсиптә қол йәткүзүватқан утуқлири билән ортақлашти. Панфилов наһийәси.

52 рет

көрсетілді

0

пікір
Алдыңғы мақала Қадирахун билән Зайирахунниң әвлади
Келесі мақала Синипдашлар учришиши

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *