• Ақ йол тиләймиз
• 08 Тамыз, 2018

Ақ йол тиләймиз!

Әнъәнә бойичә «Muzzone» телеканали бийилму «ЕМА – 2018» («Eurasіan Musіk Avards) мукапатлаш концертини дағдуғилиқ өткүзмәкчи. Оттура Азия бойичә бу әң чоң концертта моҗут болған «Әң яхши нахшичи», «Әң яхши коллектив», «Әң яхши дуэт» қатарлиқ бир түркүм номинацияләргә бийил «Миллий колорит» дәп аталған йеңи номинация қошулупту. Униңға уйғур иҗрачилиридин яш нахшичилар – Адилҗан Өмәров, Молутҗан Тохтахунов, Комунар Турсунов вә Рашид Сабитовлар өз намзитини көрситипту. Номинация егилирини аталған телеканалниң www. muzzone.tv сайтида аваз бериш арқилиқ ениқлайду. Бийил бу шоу-концерт 26-август күни Астана шәһиридики Expo территориясиниң Мәркизий конгрессида елимизниң тонулған иҗрачилириниң қатнишиши билән өтиду. Уйғур нахшилирини сөйүп тиңшайдиған достлиримизға жуқурида исимлири аталған иҗрачилиримиз үчүн аваз беришкә чақиримиз. Иҗрачилиримизға болса, ақ йол тиләймиз.