• «Уйғур авазиниң» сәйилгаһи
• 19 Қыркүйек, 2018

Симба қәбилиси

Англиядә чиқидиған «Daily Mail» гезитиниң хәвәр қилишичә, Намибияниң ғәрбий-шималидики Кунео районида симба қәбилиси яшайду. Уларниң һаят тәризи наһайити қизиқарлиқ. Мәсилән, аяллири чечини қизил лай, қаймақ вә қой жуңи билән қошуп өрүйду. Шундақла бәдинигә вә кийимлиригиму қелин бир қәвәт қизил лай билән қаймақ сүркәйду. Улар турмушқа чиққанда яки тунҗа пәрзәндини көргәндә, бешиға явайи һайванлар терисидин ишләнгән нәпис безәк буюмлирини тақавалиду. Симба қизлири тақайдиған боюн чәмбириги төмүр вә мистин ясилидиған болуп, еғирлиғи бирнәччә килограммға йетиду һәм у әвлаттин-әвлатқа варислиқ қилиниду. Умумән, симба аяллири һәр күни нәччә саат вақтини өзлирини пәдәзләш үчүн сәрип қилиду вә әнъәнивий чач фасони, кийим-кечәклири билән пәхирлиниду. Турушлуқ җайида су тапчил болғачқа, симбалар пат-пат жуюнуш һәм кир жуюш имканийитигә егә әмәс. Шуңлашқиму симба аяллири қәрәллик һалда кийимлирини хуш пурақ гиялар билән «ислап» туриду. Симба әрлириниң чач фасони аддий. Адәттики балилириниң чечи икки тал, қошкезәклири болса, бир талдин өрүвалиду. Һә, аилә қурғандин кейин өмриниң ахириғичә бешиға яғлиқ теңип жүриду.