• «Уйғур авазиниң» сәйилгаһи
• 26 Қыркүйек, 2018

1500 домбриниң авази яңриди

Йеқинда Орал шәһиридики Қазақстан Җумһурийитиниң Тунҗа Президенти мәйданида 1500 домбричиниң орунлишида Қурманғазиниң «Адай» вә «Балбыраун» күйлири яңриди, дәп хәвәрләйду Tengrinews.kz Мәзкүр акция улуқ қазақ күйчиси һәм композиториниң 200 жиллиғиға беғишланди. Уюштурғучиларниң ейтишичә, бу қизиқарлиқ чаригә шәһәрдики һәрхил ансамбль, бәдиий һәвәскарлар коллективлири, оркестрлар вәкиллири, шундақла талантлиқ студентлар, колледж һәм мәктәпләр оқуғучилири иштрак қилған. Акциягә қатнишиш үчүн 1700 домбричидин илтимас келип чүшсиму, таллаш басқучидин 1500и өткән. Уларниң ичидә кәспийләр билән биллә һәвәскарларму бар. Чарә-тәдбир аяқлашқанда Ғәрбий Қазақстан вилайитиниң һакимиға мәзкүр акцияниң Қазақстанниң КИнЭС рекордлар китавиға киргәнлигини тәстиқләйдиған сертификат тапшурулди.