• «Уйғур авазиниң» сәйилгаһи
• 03 Қазан, 2018

Тиҗарәтчиниң хиҗаләтчилиги

Турмуши начар аилидики бир аял сериқ майни тоғач шәклидә ясап, һәрқайсини бир килограммға молҗалап, базарда тирикчилик қилидиған бир адәмгә дүң өткүзәттекән. Күнләрниң биридә у аялниң һәқиқәтчилигидин гуманлинип, кумлаш майларни таразиға селип өлчәп көрсә, һәрбири бир килограмм әмәс, 900 граммдин болуп чиқипту. Буниңдин қаттиқ рәнҗигән турақлиқ херидар ғәзәплинип, һелиқи аялға келип, шикайәт қипту вә қәтьий рәвиштә буниңдин кейин униң билән мунасивәтни тамамән үзидиғанлиғини ейтипту. – Кәчүрисиз, – дәп әпу сорапту аял, – өйүмиздә тараза болмиғачқа, биз дайим сиз «бир килограмм» дәп бәргән қәнтни униң орнида пайдилинаттуқ. Бу қетимму майни тәхминән шуниң билән тәңшәп, кумилаш қилип ясиғандим. Бу гәпләрни аңлиған тиҗарәтчи наһайити хиҗаләтчиликтә қелип, аялдин кәчүрүм сорап, кетип қапту. Һекмәт: ядиңда болсунки, адәмләр иш-һәрикитиңгә, қилған-әткиниңгә қарап саңа баһа бериду.