• «Уйғур авазиниң» сәйилгаһи
• 03 Қазан, 2018

Ана дегән...

Ана дегән йилтизи җанниң, Ана дегән қувити қанниң. Ана дегән муқәддәс, улуқ, Ана дегән бәхти инсанниң. Ана дегән миннәтсиз устаз, Ана дегән хасийәтлик яз. Ана дегән роһларда қуяш, Ана дегән тәйяр турған саз. Ана дегән меһирлик булақ, Ана дегән әң рошән қулақ. Ана дегән сехирлик мевә, Ана дегән җәннәткә улақ. Ана дегән йеқимлиқ аһаң, Ана дегән арамгаһ, бараң. Ана дегән чақниған юлтуз, Ана дегән парлап турған таң. Ана дегән һөзүрлүк бир чүш, Ана дегән көңүллүк жүрүш. Ана дегән арзулуқ сәпәр, Ана дегән әҗдатни көрүш. Ана дегән йилтизи җанниң, Ана дегән роһидур қанниң. Ана дегән түгимәс нахша, Ана дегән бәхти инсанниң... Турсунҗан ҺӘСӘН.