- «Уйғур авазиниң» сәйилгаһи
- 11 Қазан, 2018
«Түркий тиллар диванидики» қедимий әнъәнивий таам намлири
Түрмәк (1-том, 622-бәт) — түрмәл.
Сармачуқ (1 том, 683-бәт) — қушқач тили, суюқашниң бир түри.
Үгрә (1-том, 171-бәт) — суюқашниң бир түри.
Соғут (1-том, 462-бәт) — һесип, йәни үчәй ичигә гүрүч, гөш, дора-дәрмәк селип тәйярлинидиған таам.
Соқту (1-том, 543-бәт) — һесипниң бир түри, йәни үчәй ичигә җигәр, гөш вә дора-дәрмәк селип тәйярлинидиған таам.
Тутмач (1-том, 590-бәт) — түркләрниң аммибап чөп таамлириниң бири.
Қовут («қағут» дәпму атилиду) (3-том, 233-бәт) — қорулған териқ унини май билән шекәргә арилаштуруп тәйярлинидиған таам. Адәттә, туғутта қансирап кәткән аялларға берилиду.
Топуқ (1-том, 492-бәт) — қойниң товуқ сүйигидин тәйярлинидиған таам.
Көршәк (1-том, 625-бәт) — ширнини су яки сүттә қайнитип, үстигә май қуюп тәйярлинидиған таам.
Болдуни (1-том, 625-бәт) — қуруқ яки һөл үзүм селип тәйярлинидиған таам.
Булғама (1-том, 640-бәт) — майсиз вә тәмсиз таам.
Қоғурмач (1-том, 137-бәт) — қетиқ билән сүт арилашмиси. У, адәттә, ичи қетип қалған адәмләргә берилиду.
Бухси (1-том, 551-бәт) — қайнитивелинған буғдайниң үстигә бадам меғизи селинип, һәсәл вә сүт арилаштуруп тәйярлинидиған таам.
Ямата (1-том, 580-бәт) — суюқ қилип челинидиған қуймақ хемир. У семиз гөшни қоруғанда яки кавап қилғанда, мейиниң еқип кәтмәслиги үчүн пайдилинилиду.
Симсирақ (3-том, 187-бәт) — пиширилип, ушшақ тоғралған қойниң баш гөшигә дора-дәрмәк арилаштуруп, үстигә аччиқ қетиқ қуюлуп тәйярлинидиған таам.
Язуқ (3-том, 19 бәт) — күздә һәрхил дора-дәрмәкләр билән қурутулуп, қишичә сақлинип, әтиязда йейилидиған қақ гөш.
Қимиз (1-том, 474-бәт) — тулумда ечитилған илқа сүти.
Бохсум (1-том, 631-бәт) — боза, йәни териқтин тәйярлинидиған ичимлик.
Ағартқу (3-том, 600-бәт) — буғдай ярмисидин тәйярлинидиған бозиға охшаш ичимлик.
«Уйғур хәлиқ еғиз әдәбияти» қамусидин (12-том) елинди.
218 рет
көрсетілді0
пікір