- «Уйғур авазиниң» сәйилгаһи
- 13 Ақпан, 2019
Мәдәнийәт буюмлири базирини ачти
Муһаҗирәттики уйғурлар өзлири яшаватқан дөләтләрдә имканийитиниң яр беришичә мәдәний мираслиримизни сақлап қелишқа һәм риваҗландурушқа тиришмақта. Җүмлидин Түркиядә яшаватқан бирқатар қандашлиримиз уйғур әнъәнивий қол-һүнәр вә йәрлик тоқулма буюмлар сәнъитини хәлиқара сәвийәгә йүзләндүрүш йолиға чүшти. Шуларниң бири – әндила 30 яшниң босуғисидин атлиған яш тиҗарәтчи Һәбибулла Муһәммәттур.
Һәбибулла уйғур классик алимлириниң сүрәт вә язмилири чүширилгән гиләмләрни, рәңдар әтләстин ишләнгән галстук, шарф, һәмян, сумка қатарлиқ соға буюмлирини ишләпчиқириш билән шуғуллиниду. Бу мәһсулатлар чәтәллик уйғурларниң талишип сетивалидиған һәдийә буюмиға айланған. Һәбибулла шундақла башқа мәмликәтләрдә ечилған уйғур ана тил мәктәплири оқуғучилириниң мәктәп кийимлирини бирликкә кәлтүрүш үчүн мәхсус формини лайиһиләп, ишләпчиқиришқа башлиған. Тәдбирчан һәм милләтпәрвәр жигит һазирниң өзидила ондин ошуқ дөләттики уйғур мәктәплириниң буйрутмилирини тәйярлап қойған.
119 рет
көрсетілді0
пікір