• Мәнавият
  • 10 Сәуір, 2019

Китап муәллипи билән учрашти

Рашидәм РӘҺМАНОВА, «Уйғур авази» Чоң вә оттура әвлат вәкиллириниң ядида болса керәк, Интернет йоқ пәйттә чоң-кичикниң барлиғи китап оқуйдиған. Ядимда, биз мәктәптә оқуп жүргән чағларда йеңи китапларни дәрһал сетивелип, оқуп чиқип, мәзмунини синипта муһакимә қилаттуқ. Әпсус, һазир әһвал тамамән башқичә. Балилиримиз бәдиий китап турмақ, дәрисликлириниму түзүк оқумайдиған әһваллар көпирәк учришиду. Мошундақ нуқсанниң орнини толтириш нийитидә Әмгәкчиқазақ наһийәси Т.Рысқулов намидики Йеңишәр оттура мәктивиниң уйғур тили вә әдәбияти пәнлириниң муәллимлири 8 – 10-синип оқуғучилириға Қурванҗан Дугашевниң «Қизил қиян» китавини оқуп чиқишқа тапшурма бәрди. Бу китап уйғур хәлқиниң тарихида чоңқур из қалдурған «Ату” паҗиәси һәққидә һекайә қилиду. Мәктәп муәллимлири әшу қанлиқ вақиәниң өзлири яшайдиған йезидин башланғанлиғини, китап сюжетиниң балилар үчүн интайин әһмийәтлик болидиғанлиғини көздә тутқан. Оқуғучилар китапни оқуп чиққандин кейин муәллимләр униң муәллипи Қурванҗан Дугашевни мәктәпкә тәклип қилди. «Қизил қиянни», җүмлидин китапниң «Йеңишәрдики жиғин» бөлүмини оқуп чиққан балилар әҗдатларниң, ана жутиниң шу жиллиридики қияпитини көз алдиға кәлтүрди. Учришиш давамида улар әсәрниң мәзмуни, униңда әкис етилгән вақиәликләргә вә башқа мәсилиләргә бағлиқ өз пикирлирини ейтип, муәллипкә өзлирини қизиқтурған соаллирини қойди. Өз новитидә меһман әсәрниң йезилиш тарихиға тохтилип, оқуғучилар билән муәллимләрниң соаллириға әтраплиқ җавап қайтурди. Әмгәкчиқазақ наһийәси.

26 рет

көрсетілді

0

пікір
Алдыңғы мақала «Ғунчә» журналиниң йеңи жиллиқ сани
Келесі мақала Әдәбиятчилар рәғбәтләндүрүлди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы