• 9-июнь – Қазақстан Җумһурийити Президентиниң сайлими күни
  • 18 Сәуір, 2019

Җәмийәтни җипсилаштуруш амили

Қазақстан хәлқи Ассамблеяси Дөләт рәһбири Қасым-Жомарт Тоқаевниң 2019-жили 9-июньда новәттин ташқири Президент сайлимини өткүзүш тоғрилиқ қарарини қоллап-қувәтлиди. Бу тоғрилиқ Ассамблея әзалири ҚХА Кеңишиниң кәңәйтилгән мәҗлисидә билдүрди. Қазақстан хәлқи Ассамблеяси Рәисиниң орунбасари – Қазақстан Җумһурийити Президентиниң Мәмурийити ҚХА Кативатиниң мудири Жансейит Түймебаев алдимиздики новәттин ташқири Президент сайлимини муһим сәясий вақиә дәп атап, уни өткүзүшни вақитниң, Қазақстандики кейинки сәясий өзгиришләрниң тәләп қиливатқанлиғини тәкитлиди. – Бийил мартта йүз бәргән алий һакимийәтни тапшуруш Асасий Қанунниң тәләплиригә мувапиқ жүргүзүлди. Мошуниң һәммиси һакимийәт турақлиқлиғиниң жуқури дәриҗисини, демократик институтларниң нәтиҗидарлиғини, гражданларниң сәясий мәдәнийитини вә бирлигини көрситиду. Шуниң билән бир вақитта әтрапимиздики дуния дайим өзгириватиду. Ихтисатни, иҗтимаий саһани техиму тәрәққий әткүзүш, иҗтимаий-сәясий турақлиқни тәминләш вәзипилирини утуқлуқ һәл қилиш үчүн сайламни кейингә созмаслиқ керәк. Бу барлиқ мәсилиләрни һәл қилиш, ички вә ташқи сәясәтниң варислиқлиғини тәстиқләш, Елбасы оттуриға қойған стратегиялик программиларни нәтиҗидарлиқ әмәлгә ашурушни давамлаштуруш имканийитини бериду, – деди Жансейит Түймебаев. У алдики сайламда Қазақстан Президентиниң хәлиқниң өз хаһишини уттур изһар қилиш йоли билән сайлинидиғанлиғиға алаһидә диққәт ағдурди. ҚХА Рәиси орунбасариниң пикричә, бу мәмликитимизни буниңдин кейинму демократик тәрәққий әткүзүш йолидики муһим қәдәм болиду. – Биз, Ассамблея вәкиллири, Президент сайлиминиң җәмийәтлик разимәнлик вә умуммиллий бирликни күчәйтишкә ярдәм қилидиғанлиғиға қәтъий ишинимиз. Сайлам хәлиқни мәмликитимиз алдида туруватқан барлиқ вәзипиләрни утуқлуқ һәл қилишқа җипсилаштуриду. Әйнә шуниңға бағлиқ Қазақстан хәлқи Ассамблеяси мәмликәтниң йетәкчи җәмийәтлик тәшкилати сүпитидә хәлиқниң мошу тәшәббусни қоллап-қувәтлишини тәминлиши зөрүр, – дәп тәкитлиди ҚХА Рәисиниң орунбасари. ҚХА Кеңишиниң мәҗлисидә униңға қатнашқучиларму сөзгә чиқип, муддитидин илгири сайлам өткүзүш тоғрилиқ қарарни қоллап-қувәтлиди. Мәсилән, “Қазақстан уйғурлириниң җумһурийәтлик мәдәнийәт мәркизи” җәмийәтлик бирләшмиси пайтәхт шөбисиниң рәһбири Рустәм Абдусаламов Президент Қасым-Жомарт Тоқаевниң новәттин ташқири сайламни бәлгүләп, мәнтиқий вә тоғра қарар қобул қилғанлиғини тәкитлиди. – Яшлар, этномәдәнийәт бирләшмилири, ҚХАниң барлиқ әзалири вә мәмликәттики барлиқ милләтләрниң вәкиллири мошу тәшәббусни толуқ қоллап-қувәтләйду вә сайламға қатнишиш хаһишини қәтъий билдүрүватиду. Биз мустәқиллик жиллирида вуҗутқа кәлгән тенденцияләрни сөзсиз сақлап қелишимиз вә Тунҗа Президент оттуриға қойған тәшәббусларни әмәлгә ашурушимиз керәк, – деди Рустәм Абдусаламов. Мәҗлистә шундақла ҚХА Рәисиниң орунбасари, Lіtuanіcа җәмийәтлик бирләшмисиниң рәһбири Виталий Тварионас, Ақмола вилайити Целиноград наһийәси Родина йеза округиниң һакими, “Вайнах” ассоциациясиниң әзаси Белла Газдиева, “Қарағанда вилайәтлик “Polonіa” поляк җәмийити” җәмийәтлик бирләшмисиниң рәиси Виталий Хмелевский вә башқилар сөзгә чиқип, мошу тәшәббусниң алаһидә әһмийәткә егә болуп, өз вақтида оттуриға қоюлғанлиғини тәкитлиди, шундақла қазақстанлиқларни мәмликәтниң тарихий келәчигини бәлгүләйдиған җәриянларға паал қатнишишқа чақирди. Муһакимә йәкүни бойичә ҚХА Кеңиши сайлиғучиларға мураҗиәт қобул қилди. Жансейит Түймебаев мәҗлистин кейин ҚХА этномәдәнийәт бирләшмилириниң вә яшлар тәшкилатлириниң рәһбәрлири билән бийил 29-апрельда “Течлиқ вә разимәнлик формулиси: иҗтимаий бирлик вә йеңилаш” күн тәртиви билән өтидиған Қазақстан хәлқи Ассамблеясиниң XXVІІ сессиясигә тәйярлиқ көрүшниң кетип беришини муһакимә қилди.

55 рет

көрсетілді

0

пікір
Алдыңғы мақала Қазақстан хәлқи Ассамблеясиниң мураҗиити
Келесі мақала Елбасыға миннәтдарлиқ билдүрди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

20 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы