• 9-июнь – Қазақстан Җумһурийити Президентиниң сайлими күни
  • 25 Сәуір, 2019

Партия өз намзитини көрсәтти

Nur Otan – хәлиқ партияи. Ундақ дейишимниң сәвәви, партия аддий хәлиқниң мәнпийитини һимайә қилиду, әзалириниң сани җәһәттин елимиздики әң чоң партия һесаплиниду. Өткән сешәнбә күни елимиз пайтәхти Нур-Султан шәһиридә партияниң новәттин ташқири ХІХ қурултийи өтти. Униңға мәмликитимизниң җай-җайлиридин алтә йүздин ошуқ делегат қатнашти. Ахирқи икки айда биз елимизниң келәчиги, тәрәққияти үчүн муһим болған тарихий вақиәләрниң гувачиси вә беваситә қатнашқучиси болуватимиз. Алдимизда йәнә чоң сәясий мәвсүм туриду. Бу — 9-июнь күни өтидиған президент сайлими. Мошу қурултайда партия намидин президент сайлимиға чүшидиған намзат ениқланди. Қурултай делегатлириниң йәкдиллиқ билән қоллап-қувәтлиши түпәйли Nur Otan партиясиниң рәиси Нурсултан Назарбаев тәклип қилған Дөләт рәһбири Қасым-Жомарт Тоқаев Қазақстан Җумһурийитиниң Президенлиғиға намзат қилип бәкитилди. Һәммигә мәлум, Nur Otan партияси елимиздики турақлиқ билән течлиқниң, разимәнлик билән бирликниң техиму күчийип, риваҗлинишини мәхсәт қилиду. Бизниң партия дайим хәлиқниң паравәнлигини яхшилаш бойичә муһим ишларниң тәшәббускари болуп кәлгән. Демәк, партия намидин сайламға чүшидиған намзатму Елбасыниң, партияниң ишини давамлаштуридиған шәхс болуши керәк дәп һесаплаймән. Мән партия қурултийиниң жуқури дәриҗидә өткәнлигини алаһидә тәкитлимәкчимән. Әндики новәттә җавапкәр басқучқа қәдәм ташлаш алдида туримиз. Хәлиқ сайлими асасида сайлинидиған президент дуниядики җәриянлардин чәттә қалмай Тунҗа Президентимиз сәясәтни давамлаштуруши лазим. Дөләт рәһбири хизмитигә хәлқигә, вәтинигә адил хизмәт қилидиған шәхс келиду дәп үмүт қилимән. Йеңи президент кичик вә оттура тиҗарәтни тәрәққий әткүзүшкә, ихтисадий өсүмни тәминләйдиған йеңи йөнилишләрни мәбләғ билән тәминләшкә алаһидә көңүл бөлүши керәк. Ташқи сәясәттә болса, елимизниң мунасивәтлирини техиму күчәйтип, хошна дөләтләр билән достлуқ мунасивәтләрни риваҗландуриду дәп ойлаймән. Адәм капиталини тәрәққий әткүзүшму муһим мәсилә болидиғини ениқ. Қасым-Жомарт Тоқаев дуния миқиясида тонулған сәясәтчи. Узун жиллар давамида Қазақстанниң ташқи сәяситини қелиплаштуруш, уни әмәлгә ашуруш билән шуғулланди. БМТ кативиниң орунбасари болди, Қазақстанниң Премьер-Министри хизмитини атқурди. Униңдин ташқири, Қасым-Жомарт Кемелоғли Тунҗа Президентниң ишәшлик сәпдиши, мустәқилликниң дәсләпки жиллиридин башлап йенида болди. Шуңлашқа Елбасы ишини утуқлуқ давамлаштуриду дәп ишәшлик ейталаймиз. Һазир елимиздики партияләр вә җәмийәтлик бирләшмиләр өзлириниң намзатлирини тәвсийә қиливатиду. Хәлиқ шу намзатларниң ичидин мунасипни таллайду дәп ойлаймән. Асимҗан ЗЛАВДИНОВ, Nur Otan партияси Алмута шәһәрлик шөбиси Сәясий бюросиниң әзаси.

30 рет

көрсетілді

0

пікір
Алдыңғы мақала Өмлүгимиз – асасий байлиғимиз
Келесі мақала Наһайити муһим вә зөрүр қарар

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы