- Галерея
- 22 Мамыр, 2019
Яш рәссамлар мусабиқиси
Сабирәм ӘНВӘРОВА,
«Уйғур авази»
Уйғур наһийәлик Яшлар ресурслуқ мәркизи билән «Шәриқ аяллири» хәлиқара экологиялик ассоциацияси” җәмийәтлик бирләшмисиниң уюштуруши билән Илия Бәхтия намидики 3-Чонҗа оттура мәктивидә яшларниң иҗадийитини қоллап-қувәтләш, уларни вәтәнпәрвәрликкә тәрбийиләш һәм яшлар арисидики тиҗарәтчиликни риваҗландуруш мәхситидә яш рәссамлар мусабиқиси уюштурулди.
Мусабиқигә Чонҗа йезилиқ округидики билим дәргаһлиридин 50кә йеқин оқуғучи қатнишип, рәсим сизиш бойичә мусабиқигә чүшти. Чарә-тәдбир ахирида сөз алған «Шәриқ аяллири» хәлиқара экологиялик ассоциациясиниң президенти Һурқиз Илиева мукапатлиқ орун алған оқуғучиларни тәбрикләп, уларға ахчилиқ соғиларни тапшурди. Шундақ қилип, 3-орунға 1-Чонҗа оттура мәктивиниң оқуғучиси Н.Шәрипҗанқизи билән 4-Чонҗа оттура мәктивиниң оқуғучиси К.Тохтахунова еришсә, иккинчи орун 3-Чонҗа оттура мәктивиниң оқуғучиси Д.Мирзәхмәтоваға буйриди. 5-Чонҗа оттура мәктивиниң оқуғучиси Рамина Ринатова топ йерип, биринчи орунға муйәссәр болди.
355 рет
көрсетілді0
пікір